ගණේමුල්ල පොලිස් ස්ථානයට ලද තොරතුරක් මත ගණේමුල්ල, පරකන්දෙනිය ප්රදේශයේ නිවසක සිදු කළ වැටලීමකදී අයිස් මත්ද්රව්ය, ගිනි අවි සහ උණ්ඩ තොගයක් සොයා ගැනීමට පොලිසිය සමත් වී තිබෙනවා.
එහිදී රිපීටර් ගිනි අවියක්, එම වර්ගයේ ගිනි අවියක පතොරම් 08ක්, අයිස් මත්ද්රව්ය ග්රෑම් 22 යි මිලි ග්රෑම් 900ක්, ටී 56 මැගසින් 09ක් සහ මිලි මීටර් 09 වර්ගයේ පතොරම් 05 ක් සොයා ගත් බව වාර්තා වුණා.
මෙලෙස අත්අඩංගුවට පත් සැකකරුවන්ගෙන් සිදු කළ වැඩිදුර ප්රශ්න කිරීම් හමුවේ මීගමුව, දළුපත ප්රදේශයේ සිදු කරන ලද වැටලීමකින් තවත් ගිනි අවි සහ නීතිවිරෝධී භාණ්ඩ සමඟ තවත් සැකකරුවන් සිව් දෙනෙකු අත්අඩංගුවට ගැනීමට පොලිසියට හැකි වී තිබෙනවා.
ඔවුන් සතුව ද තිබී අයිස් මත්ද්රව්ය ග්රෑම් 128යි මිලිග්රෑම් 100ක් , විදෙස් රටක නිෂ්පාදිත පිස්තෝලයක් මෙන්ම එහි පතොරම් 06 ක්, යුද හමුදා ඇඳුමට සමාන නිල ඇඳුමක්, මිලි මීටර් 09 පරතොම් 280 ක්, මත් පෙති 300ක්, අත් විලංගුවක්, ජංගම දුරකථන 06ක්, වෙනත් පුද්ගලයන්ගේ විදේශ ගමන් බලපත්ර 03 ක් සහ ටී 56 පතොරම් 183ක් තිබී සොයා ගත් බව පොලීසිය නිවේදනය කරනවා.
සැකකරුවන් සියලු දෙනා වයස අවුරුදු 20ත් 30ත් අතර පසුවන්නන් වන අතර ගණේමුල්ල සහ මීගමුව පොලිස් ස්ථාන විසින් ඉදිරි පක්ෂණ කයටුතු සිදු කිරීමට නියමිතයි.
