ලොව අති විශාලතම බහාලුම් ප්රවාහන නෞකාවක් ලෙස ප්රකට MSC MARIELLA නෞකාව පෙරේදා (28) දින කොළඹ වරායේ නැගෙනහිර බහාලුම් පර්යන්තය (ECT) වෙත පැමිණියා.
බටහිර අප්රිකාවේ ලයිබීරියාවට අයත් MSC MARIELLA නෞකාව මීටර් 399.90 ක දිගින් යුතු වන අතර, පළල මීටර් 61.30ක්.
ටොන් 240,737 ක බරැති බහාලුම් ප්රමාණයක් දරාගත හැකි මෙම සුවිශාල නෞකාව 2023 වසරේදී නිෂ්පාදනය කරන ලද්දක් බවයි ප්රවාහන, මහමාර්ග, වරාය සහ සිවිල් ගුවන් සේවා අමාත්යාංශය නිවේදනය කරන්නේ.
මෙම නෞකාවෙන් නැගෙනහිර බහාලුම් පර්යන්තයට බහාලුම් 1,600ක ප්රමාණයක් පැටවීම සහ බෑම සිදු කරන බව ශ්රී ලංකා වරාය අධිකාරියේ කළමනාකාර අධ්යක්ෂ ගණක හේමචන්ද්ර මහතා පැවසුවා.
MSC MARIELLA නෞකාවේ පැමිණීම ශ්රී ලංකාවේ නාවුක ක්ෂේත්රයේ සුවිශේෂී සන්ධිස්ථානයක් බවත්, එය ජාත්යන්තර නාවුක ක්ෂේත්රය තුළ ශ්රී ලංකාවේ නාමය වඩාත් ඉහළින් ඔසවා තැබීමට හේතුවන බවත් ගණක හේමචන්ද්ර මහතා වැඩිදුරටත් පැවසුවා.
වත්මන් ආණ්ඩුවේ අභිප්රාය වන, කොළඹ වරාය දකුණු ආසියාවේ නාවික කේන්ද්රස්ථානය(Maritime hub) බවට පත්කිරීමේ සිහිනය සැබෑ වෙන බවට මේ අතිවිශාල නෞකාවේ පැමිණීම ඉඟියක් වනු ඇති.
