කොළඹ අවට ප්රදේශ රැසකට මත්ද්රව්ය බෙදාහැරීමේ නිරතවූ සැකකරුවන් තුන්දෙනෙකු පොලිස් අත්අඩංගුවට ගෙන තිබෙනවා.
සැකකරුවන් කොළඹ, කැලණිය, කළුතර, පානදුර, නුගේගොඩ ප්රදේශවලට හෙරොයින්, ගංජා සහ හෂීස් ඉතා සූක්ෂම ලෙස බෙදාහරිමින් සිට ඇති බවටයි අනාවරණ වී ඇත්තේ.
සැකකරුවන් තුන්දෙනා රුපියල් කෝටි 07කට අධික වටිනාකමකින් යුත් මත්ද්රව්ය තොගයක් සමඟ අත්අඩංගුවට ගැනීමට මාලිගාවත්ත පොලිස් ස්ථානයේ ස්ථානාධිපති ඇතුළු නිලධාරීන් අද (08) අළුයම සමත් වුණා.
මෙම වැටලීමේදී හෙරොයින් කිලෝ ග්රෑම් 01ක්, කේරළ ගංජා කිලෝ 125ක් සහ හෂීස් කිලෝ 2ක් පොලිස් භාරයට ගෙන තිබෙනවා.
එමෙන්ම සැකකරුවන් සතුව තිබී රුපියල් ලක්ෂ 2කට අධික මුදල් ප්රමාණයක් ද පොලිසිය සොයා ගනු ලැබුවා.
සැකකරුවන් කොටහේන, වත්තල සහ දික්ඔය ප්රදේශවල ස්ථිර පදිංචිකරුවන් වන අතර වත්තල ප්රදේශයේ තාවකාලිකව නවාතැන් ගනිමින් මෙම ජාවාරම් සිදුකර ඇති බවටයි අනාවරණය වී ඇත්තේ.
මෙම සැකකරුවන් සම්බන්ධයෙන් රඳවා ගැනීමේ නියෝග ලබාගනිමින් මාලිගාවත්ත පොලිසිය විමර්ශන සිදුකරනවා.
