කොරෝනා ආසාදිත බවට තහවුරු වීමෙන් පසුව පළා ගොස් සැඟව සිටි යුවළක් කොස්වත්ත පොලීසිය විසින් සොයාගෙන රෝහල්ගත කර තිබේ.
ඒ සෞඛ්‍ය බලධාරීන් විසින් ලබාදෙන ලද තොරතුරක් මත කොස්වත්ත පොලීසිය සිදුකළ විශේෂ මෙහෙයුමකින් අනතුරුවය.
එලෙස අත්අඩංගුවට පත්ව ඇත්තේ හැඳල, වත්තල ප්‍රදේශයේ පදිංචි 25 හැවිරිදි තරුණයෙකි.
එම පුද්ගලයා ජා – ඇල ප්‍රදේශයේ කර්මාන්ත ශාලාවක සේවයේ නියුතු අයෙකු වන බවත් එහිදී සිදුකළ පීසීආර් පරීක්ෂණයකින් අනතුරුව ඔහු කොරෝනා ආසාදිත බවට තහවුරු වී ඇති බවත් පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය.
