බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවති පළමු එක්දින තරගය ජය ගැනීමට ශ්‍රී ලංකා කාන්තා ක්‍රිකට් කණ්ඩායමට අද (15) හැකියාව ලැබුණා.
ශ්‍රී ලංකා කාන්තා ක්‍රිකට් කණ්ඩායම මෙම තරගය ජය ගත්තේ කඩුලු 06කින්.
හම්බන්තොට දී පැවති මෙම තරගයේ පළමුව පන්දුවට පහර දුන් කොදෙව් ක්‍රීඩිකාවන් පන්දුවාර 47යි එක් පන්දුවක් තුළ සියල්ලන් දැවී ලකුණු 195ක් රැස් කළා.
අනතුරුව පිළිතුරු ඉනිම ක්‍රීඩා කළ ශ්‍රී ලංකා ක්‍රීඩිකාවන් පන්දුවාර 34යි එක් පන්දුවක් තුළ කඩුලු 04ක් පමණක් දැවී එම ඉලක්කය පසුකර ගියා.
එහිදී හර්ෂිතා සමරවික්‍රම නොදැවී ලකුණු 44ක් රැස්කළ අතර, ආරම්භක පිතිකාරිණී විශ්මි ගුණරත්න ලකුණු 40ක් රැස්කරමින් ශ්‍රී ලංකා ජයග්‍රහණයට දායක වුණා.
මෙම ජයත් සමඟ තරග තුනකින් සමන්විත එක්දින තරගාවලිය ශ්‍රී ලංකාව පෙරමුණ ගත්තේ තරග එකට බිංදුවක් ලෙසයි.
ඔබේ ප්‍රතිචාරය කුමක්ද ?
+1
18
+1
+1
13
+1
1
+1
+1
2
+1
3
