ප්රමිතියෙන් තොර ඖෂධ ගෙනැවිත් රජයේ රෝහල්වලට බෙදා හැරීම සම්බන්ධයෙන් අත්අඩංගුවට ගෙන මාලිගාකන්ද මහේස්ත්රාත් අධිකරණය විසින් දැනට රක්ෂිත බන්ධනාගාරගත කරනු ලැබූ හිටපු සෞඛ්ය අමාත්ය කෙහෙළිය රඹුක්වැල්ල මහතා ඇප ඉල්ලා අභියාචනාධිකරණය හමුවේ ගොනුකර ඇති පෙත්සමේ නියෝගය ප්රකාශ කිරීම අභියාචනාධිකරණය විසින් කල් තබනු ලැබුවා.
අප අධිකරණ වාර්තාකාරිණිය පැවසුවේ; එම පෙත්සම පිළිබඳ නියෝගය අද (04) ප්රකාශයට පත් කිරීමට නියමිතව තිබූ බවයි.
ප්රමිතියෙන් තොර ප්රතිදේහ එන්නත් මිල දී ගැනීමේ සිද්ධිය සම්බන්ධයෙන් අත්අඩංගුවට ගෙන නඩු විභාගය අවසන් වන තෙක් තමාව රක්ෂිත බන්ධනාගාරගත කිරීමට මාලිගාකන්ද මහේස්ත්රාත් අධිකරණය දී ඇති නියෝගය බල රහිත කර තමන්ව මුදාහරින ලෙස ඉල්ලා හිටපු සෞඛ්ය අමාත්යවරයා මෙම පෙත්සම ගොනුකර තිබෙනවා.
කෙසේවෙතත් එහි තීන්දුව ප්රකාශ කිරීම ඔක්තෝබර් මස 03 වනදා දක්වා කල් තබන බව අභියාචනාධිකරණ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්රන් යන මහත්වරුන්ගේ සමන්විත විනිසුරු මඩුල්ල අද නියෝග කළා.
එම පෙත්සමේ වගඋත්තරකරුවන් ලෙස නීතිපතිවරයා, අපරාධ පරික්ෂණ දෙපාර්තමේන්තුවේ අධ්යක්ෂ , මාලිගාකන්ද මහේස්ත්රාත්වරිය ඇතුළු පාර්ශ්ව කිහිපයක් නම්කර තිබෙනවා.
wpDiscuz
