පන්දු යැවීමේ ඉරියව්ව සම්බන්ධයෙන් පරීක්ෂණයකට පවා භාජනය වූ මැතිව් කුහ්නමන්ගේ පන්දු යැවීමේ ක්රමය නිවැරදි බවට හෙළි ව තිබෙනවා.
ජාත්යන්තර ක්රිකට් කවුන්සිලය කුහ්නමන්ගේ පන්දු යැවීමේ ඉරියව්ව සම්බන්ධයෙන් වූ වාර්තාව ප්රකාශයට පත් කරමින් මේ බව නිවේදනය කළා.
පසුගියදා ශ්රී ලංකාවට එරෙහිව ඔස්ට්රෙලියාව ලැබූ ටෙස්ට් තරග ජයග්රහණය තුළ දී ඊට වැඩි දායකත්වයක් පන්දුවෙන් ලබා දුන් මැතිව් කුහ්නමන්ගේ පන්දු යැවීම සැකසහිත බවටයි අදහස් පළ කෙරුණේ.
මේ හේතුවෙන් ඔහුට මේ දිනවල පැවැත්වෙන චැම්පියන්ස් කුසලානය ද අහිමි වී ඇති අතර ඔහු පසුගිය සතියේ දී බ්රිස්බේන් හි පන්දු යැවීමේ පරීක්ෂණයකට ද යොමු කෙරුණා.
ඔහුගේ සියලුම පන්දු සඳහා වැලමිට දිගු කිරීමේ ප්රමාණය අංශක 15ක් ඇතුළත බවට හෙළි ව තිබෙනවා.
28 හැවිරිදි කුහ්නමන්ට ඒ අනුව ඉදිරියේ පැවැත්වෙන සියලුම ජාත්යන්තර ක්රිකට් තරග සඳහා එක්වීමට හැකි වනු ඇති.
