කැබිනට් මණ්ඩලයේ සංශෝධන කිහිපයක් ඉදිරි දිනවල සිදුකිරීමට නියමිතව ඇතැයි රජයේ ඉහළ පෙළේ ආරංචි මාර්ග සඳහන් කර සිටිනවා. මේ යටතේ ප්රබල ඇමැති ධුර හයක පමණ වෙනස්වීම් සිදු වනු ඇති බවයි වාර්තා වන්නේ.
ඒ අනුව එළඹෙන ජනවාරි මස 8,10 හෝ 18 යන දිනයන් වලින් එක් දිනකදී මෙම අමාත්ය මණ්ඩල සංශෝධනය සිදුවෙනු ඇති බවයි වාර්තා වන්නේ.
එමෙන්ම රාජ්ය ඇමැතිවරුන් කිහිප දෙනෙකුගේ එම ඇමතිධූරවලද කිසියම් වෙනසක් සිදු කෙරෙනු ඇතැයි දැනගන්නට ඇත.
මෙයට අමතරව කාර්ය සාධනය දුර්වල රජයේ ප්රධාන පෙළේ ආයතන අටක මුල් පුටුද ඉදිරියේදී වෙනස් කෙරෙන බව සඳහන් කරන එම ප්රකාශකයා ආණ්ඩුව නව වසරේ අලුත් ගමනක් ආරම්භ කිරීමේ මූලික පියවරක් ලෙස මෙම සංශෝධන සිදු කරන බවයි වාර්තා වන්නේ.
මේ අතර රාජ්ය මාධ්ය ආයතන ප්රධානින් සියලු දෙනාම පාහේ ඉදිරි දින වලදී සිය ධුරයන් ගෙන් ඉල්ලා අස්වන ලෙස දැනුම් දී ඇති බවට ද වාර්තා එලවනවා.
නව වසරේ නව වෙනස්කම් සමග අලූත් ගමනක් ආරම්භ කරන්නැයි ආණ්ඩු පක්ෂයේ මන්ත්රීවරු ගණනාවක් ජනාධිපතිවරයාගෙන් පසුගිය සතියේදී ඉල්ලීමක් කර තිබෙනවා. මෙම කැබිනට් සංශෝධනයද එහි ප්රතිඵලයක් බව දැනගන්නට ඇත.
