20-20 ලෝක කුසලාන තරගාවලියේ ස්කොට්ලන්තය සමඟ පැවති තරගයෙන් ජයගැනීමට ඕස්ට්‍රේලියානු කණ්ඩායමට අද හැකියාව ලැබුණා.
‘බී’ කාණ්ඩයේ තරගය වූ මෙම තරගයෙන් ස්කොට්ලන්තය පරාජය කරමින් ඕස්ට්‍රේලියාව ජයගත්තේ කඩුලු 05කින්.
ස්කොට්ලන්ත පරාජයත් සමඟ ‘බී’ කාණ්ඩයෙන් තරගාවලියේ සුපිරි 08 දෙනාගේ වටයට පිවිසීමේ අවස්ථාව එංගලන්තයට උදාවීම ද විශේෂත්වයක්.
යම් හෙයකින් මෙම තරගය ඕස්ට්‍රේලියාව පරාජයට පත්වූවා නම් සුපිරි 08 දෙනාගේ වටයට පිවිසීමේ එංගලන්ත බලාපොරොත්තුව බොඳ වී යනවා.
මෙම තරගයේ පළමුව පන්දුවට පහර දුන් ස්කොට්ලන්තය නියමිත පන්දුවාර 20 තුළ කඩුලු 05ක් දැවී ලකුණු 180ක් රස කිරීමට සමත් වුණා.
අනතුරුව ලකුණු 181ක ඉලක්කයක් හඹා ගිය ඕස්ට්‍රේලියාව පන්දුවාර 19යි පන්දු 041ක් තුළ කඩුලු 05ක් දැවී තිබිය දී එම ඉලක්කය පසුකර ගියා.
ඒ, අනුව මෙම තරගයෙන් කඩුලු 05ක ජයක් ඕස්ට්‍රේලියාවට හිමි වූ අතර, ‘බී’ කාණ්ඩයේ මුල්තැන ගනිමින් ඕස්ට්‍රේලියාව සුපිරි 08 දෙනාගේ තරග වටයට පිවිසියා.
