2023 එක්දින ලෝක කුසලාන තරගාවලියේ නවසීලන්තය සහ ඕස්ට්‍රලියාව අතර තරගයේ පළමුව පන්දුවට පහරදුන් ඕස්ට්‍රලියාව පන්දුවාර 49යි පන්දු 02ක් තුළ කඩුලු සියල්ල දැවී ලකුණු 388ක දැවැන්ත ලකුණු පුවරුවක් නිර්මාණය කළා.
සාර්ථක ආරම්භයක් ඕස්ට්‍රලියාවට ලබාදුන් ආරම්භක පිතිකරුවන්වන ඩේවිඩ් වෝනර් ලකුණු 81ක් සහ ට්‍රැවිස් හෙඩ් ලකුණු 109ක් රැස් කිරීමට සමත් වුණා.
ඊට අමතරව වේගවත් ඉනිම් දෙකක් ක්‍රීඩා කළ ග්ලෙන් මැක්ස්වෙල් ලකුණු 41ක් සහ නායක පැට් කමින්ස් ලකුණු 37ක් ඕස්ට්‍රලියානු ලකුණු පුවරුවට එක් කළා.
නවසීලන්ත නායක ටොම් ලේතම් පන්දු යැවීමට නවසීලන්ත පන්දු යවන්නන් 08 දෙනෙකු යොදාගත්ත ද ඒ සෑම පන්දු යවන්නෙකුම දැඩි ප්‍රහාරයන්ට ලක්වන ආකාරය දැකගත හැකි වුණා.
කඩුලු දවාගැනීමේ දී ග්ලෙන් ෆිලිප්ස් ඕස්ට්‍රලියානු ඉනිමේ කඩුලු 03ක් බිඳ දැමූ අතර, ට්‍රෙන්ට් බෝල්ට් කඩුලු 03ක් දවා ගත්තා.
ඒ, අනුව මෙම තරගය ජය ගැනීමට නවසීලන්තයට ලකුණු 389ක දැවැන්ත ඉලක්කයක් හිමිව තිබෙනවා.
මේ අතර ලෝක කුසලාන තරගාවලියේ නෙදර්ලන්තය සහ බංග්ලාදේශය අතර තරගය කොල්කටා හිදී මේ වනවිට ක්‍රියාත්මකයි.
