තිරප්පනේ ලක්ෂමන් මෝටර්ස් ආයතනය මගින් පස්වන වරටත් සංවිධානය කරනු ලබන කාර්මික සේවා දන්සල අද දවස පුරා තිරප්පනේ නගරයේ දී පැවැත්වෙනවා.
ප්රදේශයේ කාර්මික ශිල්පීන් තරුණ ප්රජාව හා වැඩිහිටියන් එකමුතු වී මෙම කාර්මික සේවා දන්සල සංවිධානය කර තිබෙනවා.
අනුරාධපුරය මිහින්තලය තන්තිරිමලය පුදබිම් වන්දනාමාන කිරීමට පැමිණෙන බැතිමතුන්ගේ රථවාහන යම් ආපදාවකට ලක් වුවහොත් මෙම කාර්මික ශිල්පීන්ගේ නොමිලේ ලබාදෙන සේවා දායකත්වයෙන් රථ වාහනය කඩිනමින් යළි යථා තත්ත්වයට පත්කොට වන්දනාකරුවන් සිය වන්දනාමාන ගමන් සඳහා පිටත් කිරීම මෙහි ප්රධාන අරමුණ වී තිබෙනවා.
අද පෙරවරුවේ සිට දහස් සංඛ්යාත බෞද්ධ ජනතාව බොදු බැති සිතින් මෙම මාහැඟි පිංකම සමඟ එක්වී සිටිනවා.
අලව්ව – මහාරච්චිමුල්ල මෙත්මුණි මහසෑ තරුණ දම් සභාවේ නිර්මාතෘ, පූජ්ය මාතර විජයසීල ස්වාමින් වහන්සේ විසින් පැමිණ සිට පිරිස අෂ්ඨාංශ ශීලයේ පිහිටුවනු ලැබුවා.
අද දවස පුරා මෙත්මුණි සෑ පුදබිමේදී දාන,ශීල,භාවනා ආදී පිංකම් රැසක් සංවිධාන කර ඇති අතර ඒ සියල්ල සජීවිව දැක බලා ගැනීමට දසත ඔස්සේ ඔබට හැකියාව ලැබෙනවා.
සියලු විශේෂ අවස්ථා අද පස්වරු 06.25 ට සුප්රීම් දසත ප්රධාන ප්රවෘත්ති විකාශය ඔස්සේ ගෙන ඒමට නියමිතයි.
