ශ්‍රී ලංකා ක්‍රිකට් ආයතනයේ නිලවරණය එළඹෙන මාර්තු 31 වනදා පැවැත් වෙනවා.
ඊට අදාළ නාමයෝජනා භාර ගැනීම ඊයේ (23) දිනෙන් අවසන් වුණා.
මෙවර නිලවරණයේ දී ඡන්ද සංඛ්‍යාවද 147 සිට 60 දක්වා අඩුකර තිබීම ද විශේෂත්වයක්.
ශ්‍රී ලංකා ක්‍රිකට් ආයතනයේ නව ව්‍යවස්ථා සංශෝධනයට අනුව පැවැත්වෙන පළමු නිලවරණය මෙය වන අතර, 2027 වසර දක්වා එම ආයතනයේ විධායක කමිටුව තෝරා පත්කර ගැනීමට නියමිතයි.
භාර දී ඇති නාමයෝජනා සම්බන්ධයෙන් විරෝධතා භාරගැනීම හෙට (25) පෙරවරු 9.00 සිට පෙරවරු 11.00 දක්වා කාලය ලබා දී තිබෙනවා.
මෙවර ක්‍රිකට් නිලවරණය වෙනුවෙන් ලැබී ඇති නාමයෝජනා,
සභාපති තනතුර – ශම්මි සිල්වා, සමන්ත දොඩන්වෙල, ජයන්ත ධර්මදාස
උප සභාපති තනතුර – රවීන් උදයප්‍රිය වික්‍රමරත්න, ජයන්ත ධර්මදාස, සමන්ත දොඩන්වෙල
ලේකම් තනතුර – ක්‍රිෂාන්ත කපුවත්ත, සමන්ත දොඩන්වෙල, බන්දුල දිසානායක
සහකාර ලේකම් තනතුර – ක්‍රිෂාන්ත කපුවත්ත, සමන්ත දොඩන්වෙල, බන්දුල දිසානායක, නාලනී අසංකා අපොන්සු
භාණ්ඩාගාරික තනතුර – සුජීව ක්‍රිෂාන්ත ගොඩලියද්ද, ලසන්ත සදානන්ද වික්‍රමසිංහ
සහකාර භාණ්ඩාගාරික තනතුර – සුජීව ක්‍රිෂාන්ත ගොඩලියද්ද, ලසන්ත සදානන්ද
