මාතෘ භූමියේ අනාගත යහපත උදෙසා සියලු පාර්ශ්වයන් එක් ව කටයුතු කිරීමට කාලය එළැඹ ඇති බව සාධාරණ සමාජයක් සඳහා වන ජාතික ව්‍යාපාරයේ සභාපති කරු ජයසූරිය පවසනවා.
නිවේදනයක් නිකුත් කරමින් ඔහු පෙන්වාදෙන්නේ, උතුරේ සහ දකුණේ අන්‍යෝන්‍ය විශ්වාසය ඇතිකර ගනිමින් ජාතිය හා ආගම් පදනම් කරගත් ගැටලු යළිත් ඇති නොවීමටත්, සෑම පුරවැසියෙකුට ම ආත්ම අභිමානයෙන් යුතු ව ජීවත් වීමේ අයිතිය ලබාදීමටත්, එකී ගැටලු විසදීමේ වගකීම ඊළඟ පරපුරට භාර නොදීමත් අද අප හමුවේ ඇති යුතුකමක් බවයි.
එබැවින් ඒ් පිළිබඳ ව ප්‍රමුඛ හා ගැඹුරු අවධානයක් යොමු කරමින් ඒ් සඳහා මැදිහත්වීම ඉදිරි මහ මැතිවරණයට පෙර සිදු කළ යුතුව ඇතැයි සිය බලවත් විශ්වාසය බව ද හෙතෙම පෙන්වාදෙනවා.
ඒ් අනුව 09 වන පාර්ලිමේන්තු කාල සීමාව තුළ ඒ් පිළිබඳ ව අවධානය යොමු කරන ලෙස ජනාධිපතිවරයා ප්‍රමුඛ ආණ්ඩු පක්ෂයෙන් ද සමස්ත විපක්ෂයෙන් ද සාධාරණ සමාජයක් සඳහා වන ජාතික ව්‍යාපාරය ලෙස ඉමහත් ඔිනෑකමකින් යුතුව ඉල්ලා සිටින බව ද එම නිවේදනයේ සඳහන්.
wpDiscuz
