එප්පාවල, කෝන්වැව ප්රදේශයේ දේවාලයක ආවතේව කටයුතු කරමින් සිටි පුද්ගලයෙක් දේවාලයේ හිමිකරුගේ නිවස පිටුපස බාල්කයක එල්ලී ඊයේ (20) රාත්රියේ සියදිවි හානි කරගෙන තිබෙනවා.
එප්පාවල පොලීසිය සඳහන් කළේ මෙලෙස සියදිවි හානිකර ගෙන ඇත්තේ ගැටදිවුල, කිරලෝගම ප්රදේශයේ පදිංචිව සිටි වයස අවුරුදු 36ක විවාහක පුද්ගලයෙක් බවයි.
ඔහු අදාළ දේවාලයේ වසර 10 කට වැඩි කාලයක් නැවති සේවය කර ඇති අතර, නිරන්තරයෙන් දේවාලයේ කපු මහතා සමඟ ඔහු අඩදඹර ඇති කරගෙන ඇති බවයි වාර්තා වන්නේ.
ඊයේ (20) දින රාත්රියේ ද කෝන්වැව ප්රදේශයේ පැවති අවමංගල්යය උත්සවයකදී ඔවුන් දෙදෙනා ගැටුමක් ඇති කර ගෙන ඇති බව සිදුකළ විමර්ශනවල දී අනාවරණය වී තිබෙනවා.
සියදිවි හානි කරගත් ඔහුගේ ඇඳුමක සාක්කුවේ තිබී ඔහු විසින් ලියන ලද ලිපියක් ද පොලීසිය සොයාගෙන ඇති අතර,
සියදිවි හානි කරගැනීම සම්බන්ධයෙන් එහි සටහන් කර තිබූ බවයි පොලීසිය සඳහන් කළේ.
සිද්ධිය සම්බන්ධයෙන් එප්පාවල පොලීසිය වැඩිදුර පරීක්ෂණ පවත්වනවා.
