ඔන්මැක්ස් ටී. ඩී (Onmax TD) පිරමීඩ යෝජනා සැලැස්මට අදාළව මුදල් ආයෝජනය කර මේ වනවිට (25) මුදල් අහිමිවී සිටින තැන්පත්කරුවන්ට පැමිණිලි කිරීමට සුදුසු අකෘතියක් පිළියෙල කර ලංකාවේ සියලුම පොලිස් ස්ථානවලට යොමු කරන ලෙසත්, එම පැමිණිලි භාර ගන්නා ලෙසත් ලංකාවේ සියලුම පොලිස් ස්ථානවල ස්ථානාධිපතිවරුන්ට කොළඹ ප්රධාන මහේස්ත්රාත් තිළිණ ගමගේ මහතා නියෝග කර තිබෙනවා.
එමෙන්ම එම නියෝගවල පිටපතක් ජ්යෙෂ්ඨ නියෝජ්ය පොලිස්පති (පරිපාලන ) වෙත යවන ලෙස ද ප්රධාන මහේස්ත්රාත්වරයා නියෝග කළ බවයි අප අධිකරණ වාර්තාකරු පැවසුවේ.
මෙම පිරමීඩ ජාවාරමට අදාළ නඩුව අද (25) කැඳවනු ලැබු අවස්ථාවේ දී ප්රධාන මහේස්ත්රාත්වරයා එම නියෝගය නිකුත් කළා.
මෙම නඩුවේ විත්තිකරුවන් සියලුම දෙනා අධිකරණය හමුවේ පෙනී සිටි අතර නඩුවේ තැන්වැනි විත්තිකරු වන සමාගමේ අධ්යක්ෂවරයකු වන සම්පත් සඳරුවන් නමැත්තා හට ලබන ඔක්තෝබර් 04 වැනිදා කොළඹ අපරාධ පරික්ෂණ දෙපාර්තමේන්තුව හමුවේ පෙනී සිටින ලෙසත් ඔහුගේ දේපල සම්බන්ධයෙන් තක්සෙරු වාර්තා ලබා ගැනීම සඳහා අවශ්ය වන ඉඩම් හා නිවාසවල පිඹුරුපත් වාර්තා එදිනම අපරාධ පරික්ෂණ දෙපාර්තමේන්තුවට ලබා දෙන ලෙසත් වැඩිදුරටත් නියෝග කළ බවයි වාර්තා වන්නේ.
පැමිණිල්ල වෙනුවෙන් අපරාධ පරික්ෂණ දෙපාර්තමේන්තුව සමග රජයේ අධිනීතිඥ ඔස්වල්ඩ් ලක්ෂ්මන් ප්රනාන්දු මහතා පෙනී සිටියා.
විත්තිකරුවන් වෙනුවෙන් ජනාධිපති නිතිඥ අනුජ ප්රේමරත්න මහතා ඇතලු නීතිඥ මණ්ඩලයක් පෙනී සිටි අතර නඩුව නැවත ලබන ඔක්තෝබර් 23 වැනිදා කැඳවීමට ද නියෝග කෙරුණා.
