බ්‍රිතාන්‍ය රජය එළිමහන් ස්ථානවල දුම් පානය කිරීම තහනම් කිරීමට තීරණය කර තිබෙනවා.
දුම්කොළ භාවිතය හේතුවෙන් වැළක්විය හැකි මරණ සංඛ්‍යාව අඩු කිරීම සඳහා ඒ අනුව එළිමහන් අවන්හල්, එළිමහන් මත්පැන්හල් දුම්බීමේ තහනම් කලාප බවට බවට පත්වනු ඇති.
දුම්බීමෙන් ජාතික රෝහල් සේවා පද්ධතිය මත පැටවෙන අධික බර අවම කිරීමට රජයක් වශයෙන් පියවර ගත යුතු බව බ්‍රිතාන්‍ය අග්‍රාමාත්‍ය ශ්‍රීමත් කීර් ස්ටාමර් පවසා තිබෙනවා.
රජයේ මෙම තීරණයට සෞඛ්‍ය අංශ දැඩි ප්‍රසාදය පළකර තිබෙන අතර, තවත් පිරිසක් එය දැඩිව විවේචනය කරමින් කියා සිටින්නේ රජය ගෙන ඇති මේ තීරණය මගින් රටේ ආගන්තුක සත්කාර අංශයට බලවත් අහිතකර බලපෑම් ඇතිකරන බවයි.
බ්‍රිතාන්‍යයේ තුන්වන චාල්ස් රජු පසුගිය මස එරට නව පාර්ලිමේන්තු සැසි වාරය ආරම්භ කරමින් පසුගිය රජය යටතේ පාර්ලිමේන්තුවට ගෙන ආ දුම් පානය අවම කිරීමේ පනත් කෙටුම් පත යළි වත්මන් රජයේ අනුමැතිය සඳහා ඉදිරිපත් කරන කරන බවට සහතික වී තිබුණා.
එහි සඳහන් වන්නේ බ්‍රිතාන්‍යය තුළ 2009 වසරින් පසුව උපත ලබා ඇති කිසිවකුට දුම්වැටි අලෙවි කිරීම තහනම් කරනු ලබන බවයි.
එළිමහන් දුම්පානය තහනම සමස්ථ එකසත් රාජධානිය තුළම බලාත්මක වන්නේ ද නොඑසේනම් එය එංගලන්තයට පමණක් බල පැවැත්වෙන්නේ ද යන්න මෙතෙක් අනාවරණය වී නැහැ.
