එළඹෙන උත්සව සමය වෙනුවෙන් නගර හා ආගමික ස්ථාන මුල් කරගනිමින් විශේෂ ආරක්ෂක වැඩපිළිවෙලක් ක්රියාත්මක බව පොලිසිය පවසනවා.
ඒ, අනුව බස්නාහිර පළාත තුළ පමණක් 2,500ක අතිරේක පොලිස් බලඇණියක් යොදවා ඇති බවයි පොලිස් මාධ්ය ප්රකාශක සහකාර පොලිස් අධිකාරි එෆ්.යූ වුට්ලර් පැවසුවේ.
එමෙන්ම සිවිල් ඇඳුමෙන් සැරසුණු පොලිස් නිලධාරීන් සහ බුද්ධි නිලධාරීන් රැසක් මහජනතාවගේ ආරක්ෂාව වෙනුවෙන් යොදවා ඇති බවත් ඔහු සඳහන් කළා.
මේ අතර ඔබගේ රථය, යතුරුපැදිය යම් කිසි ස්ථානයක ගාල් කරන්නේ නම් ඒ පිළිබඳව අවදානය යොමු කරන ලෙසත්, එලෙස ගාල් කරන රථවාහන තුළ වටිනා දේපළ හෝ මුදල් දමා නොයන ලෙසයි මහජනතාවට දැනුම් දෙන්නේ.
එමෙන්ම එළඹෙන උත්සව සමයේ ඔබ නිවසින් බැහැරව යන අවස්ථාවල දී නිවසේ ආරක්ෂාව පිළිබඳවත් වැඩි සැලකිලිමත් භාවයක් යොමුකරන ලෙසට ද පොලිසිය මහජනතාවට දැනුම් දෙනවා.
ඔබේ ප්රතිචාරය කුමක්ද ?
+1
+1
+1
1
+1
1
+1
+1
+1
1
