එක්සත් රාජධානියේ ඈන් කුමරිය, හෙට (10) ශ්‍රී ලංකාවේ නිල සංචාරයකට එක්වීමට නියමිතව තිබෙනවා.
කුමරිය සමඟ ඇයගේ ස්වාමිපුරුෂයා වන වයිස් අද්මිරාල් ශ්‍රීමත් ටිම් ලෝරන්ස් මහතා ද පැමිණෙන බවයි විදේශ අමාත්‍යංශය සඳහන් කළේ.
ඔවුන් ලබන 13 වනදා දක්වා ශ්‍රී ලංකාවේ සංචාරය කිරීමට නියමිතව තිබෙනවා.
ශ්‍රී ලංකාව සහ එක්සත් රාජධානිය අතර රාජ්‍යතාන්ත්‍රික සබඳතාවල 75 වැනි සංවත්සරය හා සම්බන්ධ උත්සව සඳහා සහභාගී වීමටයි ශ්‍රී ලංකා රජය ඈන් කුමරියට ආරාධනා කර ඇත්තේ.
1995 වසරේ දී ඈන් කුමරිය මෙරටට පැමිණ ඇති අතර ඇයගේ මෙම ශ්‍රී ලංකා සංචාරය 2024 වසරේදී බ්‍රිතාන්‍ය රාජකීය පවුලේ සාමාජිකයෙකු සිදු කරන පළමු විදෙස් සංචාරය ද වනවා.
ඈන් කුමරිය දෙවන එලිසබෙත් රැජිනගේ සහ එඩින්බරෝ ආදිපාදවරයා වන පිලිප් කුමරුගේ දෙවන දරුවා සහ එකම දියණිය ද වන අතර III චාල්ස් රජුගේ එකම සහෝදරියයි.
ඔබේ ප්‍රතිචාරය කුමක්ද ?
+1
+1
+1
3
+1
1
+1
+1
+1
