ලෝක කුසලාන තරගාවලියේ ඉන්දියාව සහ ඕස්ට්‍රේලියාව අතර තරගය මේ වනවිට චෙන්නායි හි එම්.ඒ. චිදම්බරම් ක්‍රීඩාංගණයේ දී පැවැත්වෙනවා.
කාසිය වාසිය දිනූ ඕස්ට්‍රේලියානු නායකයා මෙම තරගයේ පළමුව පන්දුවට පහරදීමට තීරණය කළා.
මේ අතර මෙම තරගය පැවැත්වෙන අතර තුර ක්‍රිකට් ක්‍රීඩාවේ ඩයිහාර්ඩ් ප්‍රේක්ෂකයෙකු ලෙස හැඳින්වෙන එංගලන්ත තණතීරු ආක්‍රමණිකයා අදත් ක්‍රීඩාපිටියට වෙත කඩා පැන්නා.
අංක 69 ජර්සියෙන් සැරසී ක්‍රිකට් තරග අතර වාරයේ ක්‍රීඩාපිටියට කඩා පනින ‘ජාර්වෝ’ නම් මෙම ප්‍රේක්ෂකයා අද ක්‍රීඩාපිටියට අනවසරයෙන් පිවිස ඉන්දීය සුපිරි ක්‍රීඩක විරාට් කෝලි අසලට දිව ආ ආකාරය දැකගත හැකි වුණා.
කෙසේ වෙතත් එම අවස්ථාවේ දී ඔහුව වහාම ක්‍රීඩාපිටියෙන් ඉවත් කිරීමටයි නිලධාරීන් කටයතු කළේ.
ඩැනියෙල් ජාවිස් හෙවත් “ජාර්වෝ” ලෙස හඳුන්වන මෙම පුද්ගලයා ක්‍රිකට් තරග අතර තුර එක්වරම ක්‍රීඩාපිටියට කඩාවදින අයෙකු ලෙසටයි ප්‍රසිද්ධියට පත්ව ඇත්තේ.
ඔහුගේ මෙම ක්‍රියාකලාපය නිසා ක්‍රිකට් තරග මද වේලාවකට නතර කිරීමට ද සිදුවනවා.
