දින දෙකක් පුරා ඇවිලී යන ඊශ්‍රායල-ගාසා යුද ගැටුම් හේතුවෙන් මේ වන විට දහසකට ආසන්න පිරිසක් මියගොස් ඇති බව විදෙස් මාධ්‍ය වාර්තා කරනවා.
ඒ අනුව මෙම යුද ගැටුම් හේතුවෙන් ඊශ්‍රායල තුළ පුද්ගලයින් 600 කට වැඩි පිරිසක් මිය ගොස් ඇති අතර, ගාසා තීරයේ අවම වශයෙන් මරණ 370ක් පමණ වාර්තාවන බවයි විදෙස් මාධ්‍ය වැඩිදුරටත් වාර්තා කරන්නේ.
මේ අතර ඊශ්‍රායල ගුවන් ප්‍රහාර හේතුවෙන් පලස්තීනයේ මරණ 400ක් පමණ වර්ට්ය්හ වන අතර, 1,700 කට ආසන්න පිරිසක් තුවාල ලබා ඇති බවයි වාර්තා වන්නේ.
හමාස් සංවිධානය විසින් ඊයේ (07) උදෑසන දැවැන්ත රොකට් ප්‍රහාරයක් ඊශ්‍රායලට එල්ල කිරීමත් සමඟ එම ත්‍රස්ත කණ්ඩායමේ පිරිසක් ගාසා තීරය ඔස්සේ ඊශ්‍රායල තුළට රිංගා ගත්තා.
ඒ, අනුව ඊශ්‍රායල රජය තීරණය කළේ හදිසි යුද තත්ත්වයක් ප්‍රකාශ කිරීමටයි.
මේ අතර හමාස් සංවිධානය විසින් සොල්දාදුවන් සහ සිවිල් වැසියන් 100ක් පමණ පැහැරගෙන ගොස් ඇති බව ඊශ්‍රායල බලධාරීන් පවසනවා.
“ත්‍රස්තවාදීන් නිවාසවලට කඩා වැදී සිවිල් වැසියන් ඝාතනය කළා. සිය ගණනක් රට ආක්‍රමණය කර ඇත, සිය ගණනක් තවමත් ඊශ්‍රායලය තුළ හමුදා සමඟ සටන් කරනවා.” හමුදා ප්‍රකාශක රිචඩ් හෙච්ට් මාධ්‍ය වෙත මෙලෙස සඳහන් කර තිබෙනවා.
