ඉරානයේ සහ පකිස්ථානයේ සිට ඇෆ්ගන් සරණාගතයින් පුළුල් ලෙස සහ අසංවිධානාත්මකව නැවත පැමිණීම පිළිබඳව එක්සත් ජාතීන්ගේ සරණාගතයින් පිළිබඳ මහ කොමසාරිස් කාර්යාලය (UNHCR) කනස්සල්ල පළ කර තිබෙනවා.
ඇෆ්ගනිස්ථානයේ තත්ත්වය තීරණාත්මක බව එක්සත් ජාතීන්ගේ ඒජන්සිය පෙන්වා දී ඇති බවත් විදෙස් මාධ්ය වාර්තා කරනවා.
ඇෆ්ගනිස්ථානයේ UNHCR ප්රධානී අරෆත් ජමාල් පැවසුවේ මෙම ආපසු පැමිණෙන පිරිස පිළිගැනීමට රට හොඳින් සූදානම් නැති බවයි.
අවුල් සහගත තත්ත්වය වඩා හොඳින් හසුරුවා ගැනීමට සහ වඩාත් ස්ථාවර ප්රතිඵලයක් ලබා ගැනීමට ඔහු සංයමය, මූල්ය ආධාර, ජාත්යන්තර සංවාදය සහ සහයෝගීතාවය ඉල්ලා සිටිනවා.
මේ දක්වා, ඉරානයේ සිට මිලියන 1.3 ක් ඇතුළුව ඇෆ්ගන් ජාතිකයින් මිලියන 1.6කට වැඩි පිරිසක් මේ වසරේ නැවත රටට පැමිණ ඇති බව ජමාල් පැවසුවා.
එය එක්සත් ජාතීන්ගේ අනාවැකිවලට වඩා වැඩි අගයක්.
මෙම ප්රවණතාවයේ තීව්රතාවය භයානක බවයි ඔහු පෙන්වා දෙන්නේ.
මේ අතර, දුර්වල සනීපාරක්ෂක තත්ත්වයන් මධ්යයේ අසල්වැසි රටවලින් පිටුවහල් කරන ලද ඇෆ්ගන් සංක්රමණිකයින් අතර බෝවන රෝග පැතිරීම ඉහළ යාම සම්බන්ධයෙන් ලෝක සෞඛ්ය සංවිධානය (WHO) අනතුරු ඇඟවීමක් නිකුත් කර තිබෙනවා.
වැඩිවන සෞඛ්ය අවදානම් විසඳීම සඳහා වෛද්ය සම්පත් සහ කාර්ය මණ්ඩල ධාරිතාව වැඩි දියුණු කිරීමේ අවශ්යතාව WHO අවධාරණය කළා.
