ශ්රී ලංකාවේ ඉන්දීය මහ කොමසාරිස් සන්තෝෂ් ජා මහතා සහ කතානායක වෛද්ය ජගත් වික්රමරත්න අතර හමුවක් පසුගියදා (06) පාර්ලිමේන්තු පරිශ්රයේ දී සිදු කෙරුණා.
මහ කොමසාරිස් සන්තෝෂ් ජා මහතා විසින් කතානායකවරයාට නව වසර සඳහා සුබ පැතුම් එක් කරමින් ඉන්දියාව සහ ශ්රී ලංකාව අතර ශක්තිමත් ද්විපාර්ශ්වික සම්බන්ධතාව නැවතත් තහවුරු කළා.
දෙරටේ අන්තර් පාර්ලිමේන්තු සහයෝගීතාව වර්ධනය කිරීමේ වැදගත්කම අවධාරණය කරමින් ඉන්දියාවේ නිල සංචාරයක් සඳහා ද කතානායකවරයාට මෙහිදී ඇරයුමක් හිමිවුණා.
පළමුවරට පාර්ලිමේන්තුවට තේරී පත් වූ මන්ත්රීවරුන් සහ පාර්ලිමේන්තු කාර්ය මණ්ඩලය සඳහා පුහුණු සහ ධාරිතා වර්ධන වැඩසටහන් හරහා පාර්ලිමේන්තුවට සහාය දැක්වීමේ ඉන්දියාවේ සූදානම පිළිබඳ ව ද මහ
කොමසාරිස්වරයා සඳහන් කළ බවයි වාර්තා වන්නේ.
දහවන පාර්ලිමේන්තුව සඳහා ශ්රී ලංකා – ඉන්දීය පාර්ලිමේන්තු මිත්රත්ව සංගමය නැවත ස්ථාපිත කිරීම සඳහා කතානායකවරයාගේ මග පෙන්වීම අපේක්ෂා කරන බව ද හෙතෙම වැඩිදුරටත් පැවසුවා.
