මිස්ටර් ඉන්දියා කායවර්ධන කිරුළ දිනාගත් ජග්දීශ් ලාඩ් කොරෝනා රෝගය උත්සන්න වීම හේතුවෙන් මිය ගිය බව ඉන්දීය මාධ්‍ය වාර්තා කරනු ලැබුවා.
සාමාන්‍යයෙන් කොරෝනා රෝගය ශරීර ශක්තිය සහිත පුද්ගලයින්ට වැළදීමේ අවධානම අඩු බවට සමාජයේ මතයක් තිබුනත් එය හුදෙක් හිතලුවක් පමණක් බවට මෙම මරණයෙන් ඔප්පු වී තිබෙනවා.
34 හැවිරිදි ජග්දීශ් කාය වර්ධන ක්‍රීඩාව වෙනුවෙන් ජාත්‍යන්තර සම්මාන කිහිපයක් දිනාගෙන තිබෙනවා. කොරෝනා වැළදීම හේතුවෙන් රෝහල් ගත කරනු ලැබූ ඔහු දින හතරක් පුරාවට සිටියේ ඔක්සිජන් ආධාරයෙනි. ජග්දීශ් මහාරාශ්ට ප්‍රදේශය නියෝජනය කරමින් කායවර්ධන තරග වෙනුවෙන් සහභාගී වුනා.
වාර්තාවන අන්දමට මීට වසර හතරකට පෙර ඔහු කායවර්ධන ක්‍රීඩාවෙන් සමු ගෙන ඇති අතර පසුගිය වසර තුල දී කොවිඩ් වසංගතය වෙනුවෙන් රටෙහි යම් යම් ස්ථාන වසා දැමීම නිසා ඔහුට ද රැකියාව අහිමි වී තිබෙනවා.
මිය යන විට කායවර්ධන උපදේශකයෙකු ලෙස සේවය කරමින් සිටි අතර කොරෝනා තත්වය ඉන්දියාවේ කාය වර්ධන ක්ශ්‍රේත්‍රයට පවා දැඩි බලපෑමක් එල්ල කරනු ලැබූ බව මාධ්‍ය වාර්තා කරනවා. මෙම මරණය ද ඉන්දියානුවන් සලිත කළ තවත් මරණයක් බව මාධ්‍ය වාර්තා කරා.
