ඉඩම් අමාත්‍යාංශයේ තොරතුරු යොදා ගනිමින් මූල්‍ය වංචාවක් සිදු කළ ජාවාරමක් සම්බන්ධයෙන් ඉඩම් අමාත්‍යාංශය විසින් අනාවරණය කරගෙන තිබෙනවා.
ඉඩම් අමාත්‍ය හරීන් ප්‍රනාන්දු මහතා පැවසුවේ, එම අමාත්‍යාංශයේ ව්‍යාජ ලාංඡන රැගත් වාහනවල අමාත්‍යාංශ නිලධාරීන් ලෙස පෙනී සිටින පිරිසක් මෙම මුල්‍ය වංචාවට සම්බන්ධ බවයි.
රිදීගම ප්‍රදේශයේ ජනතාවට ඉඩම් අමාත්‍යාංශය මගින් ඉඩම් කට්ටි ලබා දෙන බව පවසමින් එම ප්‍රදේශයේ ජනතාවගෙන් මෙම පිරිස මුදල් එකතු කර ඇති බව ඔහු වැඩිදුරටත් සඳහන් කළා.
මෙම වංචනික ක්‍රියාව පිළිබඳව දැනුම් දීමත් සමඟ ඉඩම් අමාත්‍යාංශය විසින් අදාළ වංචනිකයින් පිරිස අත්අඩංගුවට ගෙන තිබෙනවා.
මෙවැනි වංචනික ක්‍රියාවලට හසු නොවී අවධානයෙන් සිටින ලෙසටයි අමාත්‍ය හරීන් ප්‍රනාන්දු ජනතාවගෙන් ඉල්ලීමක් කරන්නේ.
ඔබේ ප්‍රතිචාරය කුමක්ද ?
+1
1
+1
+1
+1
1
+1
+1
+1
