ඊසානදිග ඇෆ්ගනිස්ථානයට රිච්ටර් මාපකයේ 6.4ක භූමිකම්පාවක් සිදුවී තිබෙනවා. එහි කම්පනය කාබුල් ඇතුළු රට පුරා නගර කිහිපයකට දැනී ඇති බවයි විදෙස් මාධ්ය වාර්තා කළේ. ජීවිත හානි හෝ දේපළ හානි පිළිබඳ මෙතෙක් වාර්තා වී නැහැ.
එක්සත් ජනපද භූ විද්යා සමීක්ෂණ ආයතනයට අනුව ඇෆ්ගනිස්ථානයේ හින්දු කුෂ් කඳුවැටියේ පිහිටා ඇති බඩක්ෂාන් පළාතේ කිලෝමීටර් 206ක් ගැඹුරින් ප්රාදේශීය වේලාවෙන් පස්වරු 2.50ට භූමිකම්පාව වාර්තා වී තිබෙනවා.
ඇෆ්ගනිස්ථානයේ කාබුල්, ටකාර්, ලාග්මන්, කුනාර් සහ ඒ අවට පළාත්වලට මෙන්ම නවදිල්ලිය ඇතුළු උතුරු ඉන්දියාවේ සහ උතුරු පකිස්ථානයට ද භූමිකම්පාව තදින් දැනී ඇතැයි සඳහන්.
මෙතෙක් එම දිස්ත්රික්කයේ සහ ඒ අවට ප්රදේශවල ජීවිත හානි පිළිබඳ වාර්තා වී නොමැති අතර, යමක් ඇත්නම් එය වාර්තා කරන බවයි බඩක්ෂාන් පළාතේ ආපදා කළමනාකරණ අධ්යක්ෂ මොහොමඩ් කම්ගර් කියාසිටියේ.
ඇෆ්ගනිස්තානයට නැගෙනහිරින් පිහිටි හින්දු කුෂ් කඳුවැටියේ නිතර භූමිකම්පා සිදුවන අතර එය ඉහළ භූ කම්පන ක්රියාකාරකම්වල කේන්ද්රස්ථානයක්.
මෙම කම්පන බොහෝමයක් මධ්යස්ථ වුව ද, ඇෆ්ගනිස්ථානයේ ඇති දුර්වල යටිතල පහසුකම් හේතුවෙන් ඒවා බොහෝ විට සැලකිය යුතු හානියක් සිදු කරනවා.
පසුගිය වසරේ ඔක්තෝබර් 7 වනදා අස්ගනිස්ථානයේ බටහිර ප්රදේශයේ සිදු වූ රික්ටර් පරිමාණයේ 6.3ක භූමිකම්පාවක් සහ සැලකිය යුතු තීව්රතාවයකින් යුත් පසු කම්පන හේතුවෙන් 1,000 කට වැඩි පිරිසක් මිය ගියා.
