“ඇය සමඟ මමත් මිය ගියා” – දියණියගේ වියෝවෙන් පසු විජේ ඇන්ටනී කී කතාව

සියදිවි හානිකරගත් දමිළ සිනමාවේ ජනප්‍රිය රංගන ශිල්පියෙකු සහ සංගීත අධ්‍යක්ෂවරයෙකු වන විජේ ඇන්ටනීගේ දියණිය, මීරාගේ අවසන් කටයුතු පසුගිය බදාදා සිදුකර තිබෙනවා.

වයස අවුරුදු 16ක් වන ඇයගේ මෙම හදිසි වියෝවෙන් පසු විජේ ඇන්ටනී පළමු වරට සිය අදහස් බෙදාගැනීම සිදුකර ඇති බවයි ඉන්දීය මාධ්‍ය වාර්තා කළේ.

සිය නිල එක්ස් හෙවත් ට්විටර් ගිණුමට සටහනක් එක්කරමින් “ඇය සමඟ මමත් මිය ගියා. මම දැන් ඇය සමඟ කාලය ගත කිරීමට පටන් ගෙන ඇත.” යනුවෙන් විජේ ඇන්ටනී එහි සඳහන් කර තිබෙනවා.

“සියලු හදවත් ඇති මිනිසුන්, මගේ දියණිය මීරා ඉතා ආදරණීය සහ නිර්භීතය. ඇය දැන් කුලයෙන් තොර යහපත් සාමකාමී ස්ථානයකට ගොස් ඇත. ආගම, මුදල්, ඊර්ෂ්‍යාව, වේදනාව, දුප්පත්කම සහ පළිගැනීම ඇය තවමත් මා සමඟ කතා කරයි.” යනුවෙන් විජේ ඇන්ටනී සිය එක්ස් ගිණුමේ තැබූ සටහනේ වැඩිදුරටත් සඳහන්.

පසුගිය 19 වන දින අලුයම 3.00ට පමණ විජේ ඇන්ටනිගේ දියණිය, ඇගේ කාමරය තුළ මියගොස් ඇති බව වාර්තා වූ අතර, ඔහු විසින් ඇයව පෞද්ගලික රෝහලකට ගෙන ගිය අතර එහිදී ඇය රැගෙන එන විටත් මියගොස් සිටි බවයි වාර්තා වුණේ.

චෙන්නායි හි පෞද්ගලික පාසලක ඉගෙනුම ලැබූ ඇය මානසික අවපීඩනය හේතුවෙන් ප්‍රතිකාර ලබාගත් බවට ද තොරතුරු වාර්තා වුණා.