එක්සත් ජනපදයට බලපෑම් එල්ලවූ කුණාටු තත්ත්වය හේතුවෙන් ගුවන් ගමන් 2,000කට වඩා අධික සංඛ්යාවක් අවලංගු කර ඇති අතර තවත් 2,400කට අධික ප්රමාණයක් ප්රමාද වීම් සිදුවී තිබෙනවා.
ශීත කුණාටුවකින් පසු මධ්යම සහ දකුණු ඇමරිකාවේ ගුවන් ගමන් ප්රමාදයන් සහ අවලංගු කිරීම් හේතුවෙන් මගීන් දහස් ගණනක් එක්සත් ජනපද ගුවන් තොටුපලවල අතරමං වූ බවයි විදෙස් මාධ්ය වාර්තා කළේ.
චිකාගෝ හි O’Hare ජාත්යන්තර ගුවන් තොටුපළේ ගුවන් ගමන් වලින් 60% ක් පමණ අවලංගු කර ඇතැයි සඳහන්.
බලපෑමට ලක් වූ අනෙකුත් ගුවන් තොටුපළවල් වන්නේ ඩෙන්වර් ඉන්ටර්නැෂනල් සහ මිල්වෞකි මිචෙල් ඉන්ටර්නැෂනල් (Denver International and Milwaukee Mitchell International)ය.
එපමණක් නොව, මෙම තත්ත්වය කලාපයේ විදුලි සැපයුමටද බලපා තිබෙනවා. කුණාටුව සමග දකුණේ දැඩි ගිගුරුම් සහිත වැසි, හිම කුණාටු තත්ත්වයන් සමඟ විදුලිය විසන්ධි වෙමින් පවතින බවයි වාර්තා වන්නේ.
සිකුරාදා උදෑසන වන විට Great Lakes සහ දකුණේ නිවාස ඇතුලු ව්යාපාර 250,000 කට ආසන්න ප්රමාණයකට විදුලිය විසන්ධි වී තිබෙනවා. චිකාගෝ හි O’Hare ජාත්යන්තර ගුවන් තොටුපළ ආශ්රිතව සුළඟ පැයට සැතපුම් 55ක් දක්වා ඉහළ ගොස් ඇතැයි සඳහන්.
දකුණු ප්රදේශය හරහා ඇද හැලෙන දරුණු ගිගුරුම් සහිත වැසි නිසා Arkansas හි පැයට සැතපුම් 74ක් තරම් දැඩි සුළං වාර්තාවී තිබෙනවා.
