උදයන්ති කුලතුංග කියන්නේ අපි කාගෙත් අතර ජනප්‍රිය රංගන ශිල්පිනියක්. සිහින සමාගම, සංසාරණ්‍ය අසබඩ, කැළෑ හඳ, සමඟ ප්‍රේක්ෂකයන් අතරට ආ ඇය බොහෝ දක්ශ රංගන ශිල්පිනියක්. උදයන්ති බොහෝ නිර්මාණ වල දැකිය නොහැකි වුවත් රංගනයෙන් දායක වෙන චරිත සියල්ලට සාධාරණයක් කරන රංගන ශිල්පිනියක්.
“ගෙවුණ කාලය පුරාවට ඇත්තටම මම චරිත තෝරගැනිමක් කළා. හැබැයි පහුගිය කාලය පුරාවට එහෙම තෝරා ගැනීමක් කරන්න බැරි වුණා. මොකද එහෙම තෝරා ගැනීමක් කරපු සියළු දෙනාට සිද්ධ වුණේ රංගනය අතර මඟ නතර කරන්න. ඒ නිසාම මම කලින් චරිත පිළිබඳ තෝරා ගැනීමක් කළත් දැන් චරිත ගැන තෝරා ගැනීමක් සිදු කරන්නේ නෑ….”
“මගේ මුලික රැකියාව රංගනය. මොකද මම රංගනයට අමතරව රැකියාවක් කරලා නෑ. අවුරුදු දහයක් පහළොවක් මම ඉන්නෙම මේ කේෂ්ත්‍රයේ. ඒ නිසාම මට වෙන රැකියාවක් කරන්න අවස්ථාවක් නෑ…”
“ඇත්තම කියනවා නම් මම විවාහ දිවියක් ගත කරන්න හිටපු කෙනෙක් නෙවෙයි. ඒත් මට මගේ සැමියා ලැබුණම මගේ අදහස වෙනස් වුණා. එයා මට ගොඩක් ආදරෙයි. මමත් එහෙමයි….”
“අපි ඇස් විතරක් පිනවන්න හොද නෑ. හොඳ නිර්මාණ මනසට දැනෙන්න ඕනි. මම එහෙම හොද නිර්මාණ බලන්න ආසයි. ලංකාවේ ගොඩක් අය නිර්මාණ රස විඳින්නේ ඇස් වලින් විතරයි. මම යෝජනා කරනවා ඒ අයට මනසිනුත් රසවිඳින්න පුරුදු වෙන්න කියලා….”
wpDiscuz
