ලබන 27 වනදා එක්සත් අරාබි එමීර් රාජ්යයේ දී ආරම්භවන ආසියානු කුසලාන තරගාවලියට එක්වන බංග්ලාදේශ සංචිතය නම් කිරීමට තවත් දින කිහිපයක් ලබාදෙන ලෙස එරට ක්රිකට් පාලක මණ්ඩලය, ආසියානු ක්රිකට් කවුන්සිලයෙන් අවසර ඉල්ලා තිබෙනවා.
ඒ අනුව ඒ සඳහා ආසියානු ක්රිකට් කවුන්සිලය අවසර ලබා දී ඇති බවයි විදෙස් මාධ්ය වාර්තා කළේ.
බංග්ලාදේශ ක්රීඩකයින් කිහිප දෙනෙක්ම අබාධවලට ලක්ව සිටීම සහ කණ්ඩායමේ නායකත්වය පිළිබඳව තවමත් නිශ්චිත තීරණයක් ගෙන නොමැතිවීම යන කරුණු හේතුවෙන් එරට ක්රිකට් පාලක මණ්ඩලය මෙම ඉල්ලීම සිදුකර තිබෙනවා.
ආබාධයන්ට ලක්ව සිටින ක්රීඩකයින් කිහිප දෙනෙකුගේ වෛද්ය වාර්තා බලාපොරොත්තුවෙන් සිටින බවයි බංග්ලාදේශ ක්රිකට් පාලක මණ්ඩලය වැඩිදුරටත් සඳහන් කර ඇත්තේ.
බංග්ලාදේශ කණ්ඩායමේ ලිටන් දාස් සහ නුරුල් හසන් ආබාධ හේතුවෙන් මේ වනවිට පැවැත්වෙන සිම්බාබ්වේ සංචාරයෙන් ඉවත් කර ඇති අතර, නියමිත දිනට පෙර ඔවුන් සම්පූර්ණයෙන් සුවය නොලැබුවහොත් ඔවුන් ආසියානු කුසලානයට ක්රීඩා කිරීම අවිනිශ්චිත බවයි එරට ක්රිකට් මෙහෙයුමේ සභාපති ජලාල් යුනුස් පැවසුවේ.
ආසියානු කුසලාන තරගාවලියට එක්වන සංචිත ප්රකාශයට පත් කිරීමට දී ඇති කාලය හෙටින් (08) අවසන් වනවා.
wpDiscuz
