හෙට ජනපතිගෙන් විශේෂ ප්‍රකාශයක් (ඡායාරූප)

ජනාධිපති රනිල් වික්‍රමසිංහ හෙට (02) විශේෂ ප්‍රකාශයක් පාර්ලිමේන්තුවේ දී පැවැත්වීමට නියමිත ව තිබෙනවා.

ඒ ණය ප්‍රතිව්‍යුහගත කිරීම ගැන බවයි වාර්තා වන්නේ.

මේ අතර පාර්ලිමේන්තුව අනිද්දා (03) රැස් නොවන බව ද පාර්ලිමේන්තු කාරක සභාවේ දී අද (01) තීරණය කෙරුණා.

ඒ අභාවප්‍රාප්ත ආර්. සම්පන්දන්ගේ දේහයට අවසන් ගෞරව දැක්වීමේ කටයුතු සඳහා එදින වෙන් කිරීම හේතුවෙන්.

මීට පෙර දැනුම් දී තිබුණේ හෙට සහ අනිද්දා පාර්ලිමේන්තුව රැස්වීමට යි.

අභාවප්‍රාප්ත, හිටපු විපක්ෂ නායකවරයෙකු සහ පක්ෂ නායකවරයෙකු වූ ආර්. සම්බන්ධන්ගේ දේහය අවසන් ගෞරව සඳහා, පාර්ලිමේන්තු සංකීර්ණයේ ඉදිරිපස ආලින්දයේ උත්සව ශාලාවට රැගෙන ඒමට තීරණය කෙරුණා.

එම තීරණය අද (01) පස්වරුවේ පාර්ලිමේන්තු කටයුතු කාරක සභාවේ දී තීරණය කර ඇත්තේ කතානායකවරයාගේ ප්‍රධානත්වයෙන්, අග්‍රාමාත්‍යවරයාගේ ද සහභාගිත්වයෙන් පැවති විශේෂ රැස්වීමේදීයි.

ඒ අනුව එළඹෙන බදාදා (03) පස්වරු 2.00 සිට 4.00 දක්වා සම්පන්දන් මහතාගේ දේහය තැන්පත් කර තැබීමට කටයුතු කෙරුණු ඇති.