යුද හමුදා බුද්ධි අංශයට ලද තොරතුරකට අනුව පොලිස් විශේෂ කාර්ය බලකා නිලධාරීන් සමග එක්ව පිළියන්දල ප්රදේශයේ දී සිදු කරන ලද වැටලීමක දී මෙරට මහාපරිමාණ මත්ද්රව්ය ජාවාරම්කරුවන් මෙන්ම සංවිධානාත්මක අපරාධකරුවන් වන හරක්කටා සහ ඔහු සමග සමීප සම්බන්ධතා පවත්වන ලබන ‘ආමි චූටි’ නමැති පුද්ගලයාගේ මත්ද්රව්ය ජාලය මෙහෙයවන ප්රධාන ගෝලයන් දෙදනෛකු අත් අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ; ඕමල්පගේ ධම්මික සමන් කුමාර නමැති 41 හැවිරිදි පුද්ගලයෙකු හා කංකානම් ආරච්චිගේ සුජීව නමැති 53 හැවිරිදි අයෙකු යි.
සැකකරුවන් ළඟ රුපියල් මිලියන 285කට අධික වටිනාකමකින් යුත් හෙරොයින් සහා අයිස් මත්ද්රව්ය තොගයක් තිබී සොයා ගැනුණා.
එහිදී හෙරොයින් කිලෝග්රෑම් 7යි, ග්රෑම් 415, මිලිග්රෑම් 500ක් සහ අයිස් මත්ද්රව්ය කිලෝග්රෑමයක්, ග්රෑම් 17 ක් සහ යතුරු පැදියක්, ලොරි රථයක් පොලිස් භාරයට ගෙන තිබෙනවා.
මේ සම්බන්ධයෙන් පොලිස් මත්ද්රව්ය නාශක කාර්යාංශය විසින් වැඩිදුර විමර්ශන සිදු කරනවා.
