ශ්‍රී ලංකාවේ උපත ලබා මේවන විට කැනඩාවේ වෙසෙන එරට පාර්ලිමේන්තු මන්ත්‍රී ගැරී ආනන්දසංගරීට (gary anandasangaree) එරට කැබිනට් අමාත්‍ය ධූරයක් හිමිව තිබෙනවා.
විදෙස් මාධ්‍ය පැවසුවේ කැනඩාවේ අග්‍රාමාත්‍ය ජස්ටින් ටෲඩෝ විසින් සිදුකළ කැබිනට් සංශෝධනයේදී ගැරී ආනන්දසංගරීට මෙලෙස අමාත්‍ය ධූරයක් හිමිව ඇති බවයි.
කැනඩාවේ කිරීටය හා ආදිවාසී සබඳතා අමාත්‍ය ධූරය යි ගැරී ආනන්දසංගරීට හිමිව ඇත්තේ.
ඔහු මීට පෙර කැනඩාවේ කිරීටය සහ ස්වදේශික සබඳතා අමාත්‍යවරයාගේ පාර්ලිමේන්තු ලේකම් ලෙසත්, එරට උරුමයන් සහ බහු සංස්කෘතික අමාත්‍යවරයාගේ පාර්ලිමේන්තු ලේකම් ලෙසත් කටයුතු කර තිබෙනවා.
ගැරී ආනන්ද සංගරී මහතා, කැනඩාවේ පාලක පක්ෂයේ පාර්ලිමේන්තු මන්ත්‍රීවරයෙකු ලෙස කටයුතු කරනවා.
ගැරී ආනන්දසංගරී යනු ශ්‍රී ලංකාවේ හිටපු පාර්ලිමේන්තු මන්ත්‍රීවරයෙකු මෙන්ම දෙමළ එක්සත් විමුක්ති පෙරමුණේ නායක වී. ආනන්දසංගරීගේ පූත්‍රයායි.
කැනඩාවේ පදිංචි බහුතරයක් වන දෙමළ ජනතාවගේ ගැටලු එරට පාර්ලිමේන්තුවට ඉදිරිපත් කරනු ලබන්නේ ගැරී ආනන්දසංගරී මහතා හරහායි.
ගැරී ආනන්ද සංගරී මහතාගේ පියා වන ආනන්දසංගරී මහතාද මෙරට පාර්ලිමේන්තු මන්ත්‍රීවරයෙකු ලෙස කටයුතු කළ අතර ඔහු වර්තමානයේ කිලිනොච්චියේ පදිංචිව සිටිනවා.
