මැතිවරණ වියදම් නියාමනය කිරීමේ පනත උල්ලංඝනය කරමින් 2024 මහ මැතිවරණය සඳහා ආදායම් වියදම් වාර්තා ඉදිරිපත් කිරීමට අපොහොසත් වූ අපේක්ෂකයින් 1,042 දෙනෙකු සම්බන්ධයෙන් පරීක්ෂණයක් පවත්වන ලෙස වැඩබලන පොලිස්පතිවරයා නියෝග කර තිබෙනවා.
ඊට අමතරව එම ආදායම් වියදම් වාර්තා භාර නොදුන් පක්ෂ ලේකම්වරුන් සහ ස්වාධීන කණ්ඩායම් නායකයින් 197 දෙනෙකුට එරෙහිව ද පරීක්ෂණ පවත්වන ලෙසයි උපදෙස් ලබා දී ඇත්තේ.
එම වගඋත්තරකරුවන්ට අදාළ මැතිවරණ කොට්ඨාසවලට අයත් පොලිස් කොට්ඨාසයන්හි, කොට්ඨාස අපරාධ විමර්ශන කාර්යාංශ මගින් නියෝජ්ය පොලිස්පති නීති දිසාවගේ අධීක්ෂණය යටතේ මෙම විමර්ශන ආරම්භ කිරීමට නියමිතයි.
ඒ, අනුව කොට්ඨාස භාර නිලධාරීන් විසින් ජනවාරි 31 වනදාට ප්රථම එකී විමර්ශනවලට අදාළ උධෘත සකස් කොට නීතිපති උපදෙස් ලබාගැනීමට වැඩබලන පොලිස්පතිවරයා විසින් සියළුම ජ්යෙෂ්ඨ නියෝජ්ය පොලිස්පතිවරුන්, නියෝජ්ය පොලිස්පතිවරුන් හා කොට්ඨාස භාර නිලධාරීන්ට උපදෙස් ලබා දී තිබෙනවා.
2023 අංක 03 දරණ මැතිවරණ වියදම් නියාමනය කිරීමේ පනත ප්රකාරව මැතිරණයක ප්රථිඵල නිකුත් කර දින 21ක් ඇතුළත පිළිගත් දේශපාලන පක්ෂයේ හෝ ස්වාධීන කණ්ඩායමේ හෝ අපේක්ෂකයාගේ ආදයම් හා වියදම් සම්බන්ධව වාර්තා මැතිවරණ කොට්ඨාසයේ තේරීම් භාර නිලධාරීයා වෙත භාරදීම සිදුකළ යුතුයි.
