නව දිල්ලිය යළිත් අසාදු ලේඛනගත කිරීමටත් ඉන්දියාව පිළිබඳ වඩා හොඳ අවබෝධයක් වර්ධනය කර ගන්නා ලෙසත් යෝජනා කරමින් ජාත්යන්තර ආගමික නිදහස පිළිබඳ එක්සත් ජනපද කොමිසම විසින් නිකුත් කළ වාර්ෂික වාර්තාව ඉන්දියාව ප්රතික්ෂේප කර තිබෙනවා.
ඉන්දීය විදේශ කටයුතු අමාත්යාංශය විසින් නිකුත් කරන ලද ප්රකාශයට අනුව එහි ප්රකාශක අරින්දම් බග්චි පැවසුවේ, ජාත්යන්තර ආගමික නිදහස පිළිබඳ එක්සත් ජනපද කොමිසම ඉන්දියාව පිළිබඳ පක්ෂග්රාහී සහ පොළඹවනසුළු අදහස් දැක්වීම දිගින් දිගටම කරගෙන යන බවයි.
2023 වාර්ෂික වාර්තාවේ සඳහන් එවැනි සාවද්ය නිවේදන ප්රතික්ෂේප කරන බවද ඔහු ප්රකාශ කළා.
මෙවැනි ප්රයත්නයන්ගෙන් ඉවත් වී ඉන්දියාව, එහි විවිධත්වය , එහි ප්රජාතන්ත්රවාදී ආචාර ධර්ම සහ ව්යවස්ථාමය යාන්ත්රණයන් පිළිබඳ වඩා හොඳ අවබෝධයක් වර්ධනය කර ගන්නා ලෙසයි ඔහු ජාත්යන්තර ආගමික නිදහස පිළිබඳ එක්සත් ජනපද කොමිසමෙන් ඉල්ලා සිටින්නේ.
ඔහු මෙලෙස ප්රතිචාර දක්වා තිබුණේ ආගමික නිදහසට ඇති අයිතිය දැඩි ලෙස උල්ලංඝනය කිරීම සම්බන්ධයෙන් වගකිව යුතු ඉන්දියානු රජයේ ආයතන සහ නිලධාරීන්ට ඉලක්කගත සම්බාධක පනවන ලෙස එක්සත් ජනපද කොමිසම බයිඩ්න් පරිපාලනයෙන් ඉල්ලා සිටි පසුබිමකයි.
කොමිසමේ වාර්ෂික වාර්තාව මගින් රටවල් 17ක් විශේෂ සැලකිල්ලක් දක්වන රටවල් ලෙස නම් කිරීම සඳහා ද රාජ්ය දෙපාර්තමේන්තුවට නිර්දේශ කර තිබෙනවා.
ඊට හේතු ලෙස ඔවුන් පෙන්වා දී ඇත්තේ එම රජයන් ආගමික හෝ විශ්වාසයේ නිදහස ක්රමානුකූල, අඛණ්ඩව සහ දරුණු ලෙස උල්ලංඝනය කිරීම්වල නිරත වන බවටයි.
එම කොමිසම 2022 වසරේදී පිරිහෙන ආගමික නිදහස තත්ත්වයන් හේතුවෙන් ප්රථම වරට ශ්රී ලංකාව ද විශේෂයෙන් අවධානය යොමු කළ යුතු රටවල් අතරට එක් කිරීමට අමෙරිකානු රාජ්ය දෙපාර්තමේන්තුවට නිර්දේශ කර තිබුණා.
