ළමුන් 33 දෙනෙකුට ලිංගික අතවර කිරීමේ චෝදනාවකට වරදකරුවන් වූ අඹුසැමි යුවළකට මරණීය දණ්ඩනය නියම කළ
පුවතක් ඉන්දීය මාධ්ය වාර්තා කරනවා.
ඉන්දියාවේ උත්තර් ප්රදේශ්හි විශේෂ අධිකරණයකින් මෙම දඬුවම් නියමකර ඇති බවයි වාර්තා වන්නේ.
විත්තිකරුවන් වන රාම්භවන් සහ බිරිඳ දුර්ගාවතීට, ලිංගික අපරාධවලින් දරුවන් ආරක්ෂා කිරීමේ පනතේ වගන්ති කිහිපයක් යටතේ මෙලෙස වරදකරුවන් කර තිබෙනවා.
ඒවාට අස්වාභාවික වැරදි, උග්ර වූ විනිවිද යාමේ ලිංගික අපරාධ, ළමා කාමුක දර්ශන සහ සාපරාධී කුමන්ත්රණය යනාදිය ඇතුළත් වනවා.
අධිකරණ තීන්දුව ප්රකාශයට පත්කරමින් නියෝග කර ඇත්තේ වින්දිතයින්ට එක් අයෙකුට ඉන්දීය රුපියල් ලක්ෂ 10 බැඟින් වන්දි මුදලක් ගෙවන ලෙසයි.
ඊට අමතරව විත්තිකරුගේ නිවසින් සොයා ගන්නා ඕනෑම මුදලක් වින්දිතයින් අතර සමානව බෙදා හැරිය යුතු බවටද නියෝග කර තිබෙනවා.
වරදකරුවන් වූ රාම්භවන් සහ බිරිඳ දුර්ගාවතී 2010 සහ 2020 අතර කාලය තුළ මෙම අපරාධ සිදුකර ඇති බවයි අනාවරණය වී ඇත්තේ.
රාම්භවන් වාරිමාර්ග දෙපාර්තමේන්තුවේ කනිෂ්ඨ ඉංජිනේරුවෙකු ලෙස සේවය කර ඇති අතර, ඔහු ළමයින් ආකර්ෂණය කර ගැනීම සඳහා විවිධ ක්රම භාවිත අර ඇති බවයි විමර්ශනවල දී හෙළිවී ඇත්තේ.
මාර්ගගත වීඩියෝ ක්රීඩා වෙත ප්රවේශවීම, මුදල් සහ තෑගි ලබාදීම වැනි උපක්රමයක් ඔවුන් දරුවන්ව ආකර්ෂණය කර ගැනීමට යොදාගෙන තිබෙනවා.
ඉන්දීය මධ්යම විමර්ශන කාර්යාංශය විසින් මොවුන් දෙදෙනාට එරෙහිව 2021 වසරේ පෙබරවාරි මාසයේදී චෝදනා පත්ර ගොනුකර තිබුණා.
