අධ්යාපන අමාත්යාංශය සහ UNICEF ආයතනය එක්ව ‘දිට්වා’ සුළි කුණාටුවෙන් ආපදාවට පත් පාසල් පිළිබඳ සිදු කළ විමර්ශනයකින් අනතුරුව, කඩිනමින් යථා තත්ත්වයට පත් කළ හැකි පාසල් ප්රතිසංස්කරණය කිරීමටත්, අවදානම් සහිත පාසල් වෙනත් ආරක්ෂිත ස්ථානවල ස්ථාපිත කිරීමටත් අවශ්ය කටයුතු සිදු කරන බව අග්රාමාත්ය හරිනි අමරසූරිය පවසනවා.
’දිට්වා’ සුළි කුණාටුවෙන් හානි සිදු වූ බදුල්ල දිස්ත්රික්කයේ මීගහකිවුල ජාතික පාසල නිරීක්ෂණය කිරීම සඳහා අද (24) පැමිණීමෙන් අනතුරුව අග්රාමාත්යවරිය මේ බව ප්රකාශ කළා.
පැවති තද සුළඟ හේතුවෙන් ගසක් කඩා වැටී මුළුමනින්ම හානි වූ, කැටවත්ත යෝධ උල්පත ප්රජා ශාලාවේ පවත්වාගෙන ගිය පෙර පාසල ද නිරීක්ෂණය කළ අග්රාමාත්යතුමිය, ආරක්ෂිත ස්ථානයක යළි එම පෙර පාසල ආරම්භ කිරීමට අවශ්ය කටයුතු සලසා දෙන ලෙස නිලධාරීන්ට උපදෙස් දුන්නා.
එමෙන්ම නායයෑම් හේතුවෙන් දැඩි හානි සිදු වූ පස්සර යූරි දෙමළ ප්රාථමික විද්යාලය ද අග්රාමාත්යවරිය විසින් නිරීක්ෂණය කළා.
