තරුණ යුවළක් වියගහකට බැඳ කුඹුරක් සීසෑමට සැලැස්වූ අයුරු දැක්වෙන වීඩියෝවක් මේ වනවිට ඉන්දියාව තුළ සංසරණය වනවා.
සමාජ මාධ්යයේ සංසරණය වන මෙම වීඩියෝව පිළිබඳව මේ වනවිට බොහෝ පිරිසකගේ අවදානය යොමුව ඇති බවයි වාර්තා වන්නේ.
ඉන්දීය මාධ්ය වාර්තා කරන්නේ රායගඩා දිස්ත්රික්කයේ කන්ජමජිරා ප්රදේශයේ යුවළක් මෙලෙස හිංසනයට ලක්කර ඇති බවයි.
ප්රාදේශීය සමාජ සම්මතයන්ට පටහැනිව විවාහ වූ තරුණ යුවළකට දඬුවම් පැමිණීම වෙනුවෙන් ඔවුන් දෙදෙනා මෙලෙස වියගහකට බැඳ කුඹුරක් සීසෑමට සලස්වා ඇති බවයි වාර්තා වන්නේ.
කලක සිට ආදර සම්බන්ධයක් පවතවාගෙන ගොස් ඇති මෙම තරුණයා සහ තරුණිය මෑතකදී විවාහ වී තිබෙනවා.
කෙසේ වෙතත්, ඇතැම් ගම්වැසියන් ඔවුන්ගේ තීරණයට විරුද්ධ වී ඇත්තේ මෙම තරුණයා සහ තරුණිය එකිනෙකා ඥාතීන්වීම හේතුවෙන් මෙම විවාහය ඔවුන්ගේ සිරිත් විරිත් අනුව තහනම් බව පවසමින්.
යුවළට දඬුවම් කිරීම සඳහා, මැර පිරිසක් ඔවුන්ව ලී වියගහකට බැඳ කුඹුරක් හරහා ඇදගෙන යාමට සලස්වා ඇති අතර, පුද්ගලයින් දෙදෙනෙකු තරුණයාට සහ තරුණියට කෙවිටකින් පහර දෙන ආකාරය ද වීඩියෝවේ දැක්වෙනවා.
මෙම ප්රසිද්ධ නින්දාවෙන් පසු, යුවළ ගමේ සිද්ධස්ථානයට ගෙන ගොස් ඔවුන්ගේ වරද ‘පවිත්ර’ කිරීම සඳහා පවිත්ර කිරීමේ චාරිත්ර ඉටු කිරීමට සැලැස්ව ඇති බවයි වාර්තා වන්නේ.
wpDiscuz
