නව කැබිනට් මණ්ඩලයක් පිහිටුවීම ඉදිරි සතියේදී සිදු කෙරෙනු ඇතැයි දේශපාලන ආරංචි මාර්ග පවසනවා. ඉතා අවම කැබිනට් මණ්ඩලයක් යටතේ වත්මන් අගමැති මහින්ද රාජපක්ෂයන් යටතේ නව අමාත්ය මණ්ඩලය ස්ථාපිත කිරීමට නියමිත බවයි වාර්තා වන්නේ.
අන්තර් පාලන මණ්ඩලයක් පත් කිරීම හෝ සභාග රජයක් පත් කිරීම හෝ ජාතික ආණ්ඩුවක් පත් කිරීම සිදු කළ යුතු බවට දේශපාලන පක්ෂ කිහිපයක නායකයන් පවසා ඇතත් එය ක්රියාත්මක නොවන තත්වයක් පවතින බවයි අභ්යන්තර දේශපාලන ආරංචි මාර්ග පවසන්නේ.
කැබිනට් මණ්ඩලය පත් කිරීමේදී ආණ්ඩුවේ හවුල්කාර පක්ෂ 11 සහාය ලබා ගැනීමට අදහස් කර ඇති නමුත් එම පක්ෂවල මතය වී ඇත්තේ මේ වන විට ස්වාධීන වී ඇති පාර්ලිමේන්තු මන්ත්රීවරුන්ගේ සහායද ලබා ගෙන අන්තර්වාර පාලනයක් යටතේ ආණ්ඩුවක් පිහිටුවීමයි.
මේ අතර නිමල් සිරිපාල ද සිල්වා මන්ත්රීවරයාට සෞඛ්ය අමාත්යාංශය ද, උද්දික ප්රේමරත්න මන්ත්රීවරයාට සංස්කෘතික අමාත්යාංශය ද, වතුකරය නියෝජනය කරනු ලබන තරුණ මන්ත්රීවරයෙකුට ක්රීඩා ඇමතිකම ද ලබාදීමට කැමති බවට රජයේ පාර්ශවයෙන් යෝජනා ඉදිරිපත් වී ඇති බවද දේශපාලන ආරංචි මාර්ග සඳහන් කර සිටිනවා.
මිට අමතරව ආණ්ඩුවේ බහුතරය ආරක්ෂා කර ගැනීම වෙනුවෙන් මුස්ලිම් පක්ෂ නියෝජනය කරනු ලබන දේශපාලන පක්ෂවල මන්ත්රීවරුන්ට රාජ්ය ඇමතිකම්, නියෝජ්ය ඇමතිකම් ලබාදීමට යෝජනා වී ඇති බවයි වාර්තා වන්නේ.
