පොතුවිල්, අරුගම්බේ ප්රදේශයේ හෝටලයක කාමරයක් තුළ තිබී ඝාතනය කළ බවට සැක කෙරෙන කාන්තාවකගේ මළ සිරුරක් ඊයේ (12) පස්වරුවේ සොයාගෙන තිබෙනවා.
ඒ, අසලම එල්ලෙමින් තිබිය දී පිරිමි පුද්ගලයෙකුගේ මළ සිරුරක් ද සොයාගත් බවයි පොතුවිල් පොලිසිය සඳහන් කළේ.
මෙලෙස මියගොස් ඇති කාන්තාව මහකලුගල ප්රදේශයේ පදිංචි 35 හැවිරිදි වියේ පසුවන තැනතියක් වන අතර, පිරිමි පුද්ගලයා
52 හැවිරිදි උල්ල ප්රදේශයේ පදිංචි අයෙක් බවයි අනාවරණය වී ඇත්තේ.
මොවුන් දෙදෙනා අනියම් සම්බන්ධයක් පවත්වාගෙන ගොස් ඇති බවට මේ වනවිට තොරතුරු අනාවරණය වී තිබෙනවා.
මෙම යුවළ ඊයේ (12) කාමරයක් වෙන්කරගෙන අදාළ හෝටලයට පැමිණ ඇති බවයි පොලිසිය සඳහන් කළේ.
කෙසේ වෙතත් මොවුන් දෙදෙනා ඊයේ (12) පස්වරුව වන විටත් කාමරයෙන් පිටතට නොපැමිණීමත් සමඟ හෝටල් හිමිකරු විසින් ඒ පිළිබඳව අරුගම්බේ සංචාරක පොලිසියට දැනුම් දී තිබෙනවා.
පසුව පොලිසිය පැමිණ කළ සොයාබැලීමේ දී මොවුන්ගේ මළ සිරුරු මෙලෙස සොයා ගැනීමට හැකිව ඇති බව සඳහන්.
දෙදෙනා අතර සිදුවූ ආරවුලක් මත මම අපරාධයන් සිදුව ඇති බවයි පොලිසිය සැකපළ කරන්නේ.
