අයිස් මත්ද්‍රව්‍ය සන්තකයේ තබාගෙන වාද්දුව මුහුදු වෙරළේ රැඳී සිටි 17 හැවිරිදි සිසුවියක සහ ඇයගේ 30 හැවිරිදි පෙම්වතා අත්අඩංගුවට ගත්බව වාද්දුව පොලිසිය පවසනවා.
සැකකාර යුවල වාද්දුව ප්‍රදේශයේම පදිංචි දෙදෙනකු බවද සඳහන්.
ලද තොරතුරක් මත පොලිස් කණ්ඩායම වාද්දුව, පොහද්දරමුල්ල වෙරළ තීරයේදී අයිස් මත්ද්‍රව්‍ය මිලිග්‍රෑම් 20ක් සහ පානය කරන උපාංග සමග අත්අඩංගුවට ගත් බව පොලිසිය කීය.
පොලිසිය සඳහන් කළේ, අදාළ සිසුවිය සන්තකයේ තිබී මෙම අයිස් මත්ද්‍රව්‍ය සොයාගත් බවයි.
ඇයගෙන් කළ ප්‍රශ්න කිරීම්වලදී සඳහන් කර ඇත්තේ, සිය පෙම්වතා විසින් අදාළ මත්ද්‍රව්‍ය ආරක්ෂාවට තමා සන්තකයේ තැබූ බවයි.
තමන් හොරණ ප්‍රදේශයේ පෞද්ගලික උපකාරක පංතියකට සහභාගීවී නිවසට පැමිණෙන අතරතුර මෙම මත්ද්‍රව්‍ය පෙම්වතා විසින් ලබා දී ඇති බව ඇය සඳහන් කළා.
සැකකරුවන් දෙදෙනා මත්ද්‍රව්‍යවලට ඇබ්බැහි වී ඇද්ද යන්න ? සම්බන්ධයෙන් පරීක්ෂා කිරීම සඳහා අධිකරණ වෛද්‍ය නිලධාරී වෙත යොමු කිරීමටත්, ඉන් අනතුරුව පානදුර මහේස්ත්‍රාත් අධිකරණයට ඉදිරිපත් කිරීමටත් නියමිතව තිබුණි.
