අයිස් මත්ද්‍රව්‍ය සමග තරුණයින් හයක් අත්අඩංගුවට

අයිස් මත්ද්‍රව්‍ය ජාවාරමේ නිරත වූ පුද්ගලයින් සයදෙනෙකු පොලිස් අත්අඩංගුවට ගෙන තිබෙනවා.

මෙම සැකකරුවන් ව ඊයේ (27) පස්වරුවේ අත්අඩංගුවට ගෙන ඇත්තේ; මුලතිව්, උදයාර්කට්ටු – කූරවිල් ප්‍රදේශයේ දීයි.

පුදුකුඩි ඉරිප්පු පොලිසිය සැකකරුවන් ව අත්අඩංගුවට ගෙන තිබෙනවා.

කූරවිල් ප්‍රදේශයේ නිවසක සැක කටයුතු යමක් සිදුවන බවට පොලිසිය වෙත ලද තොරතුරක් මත සිදුකළ වැටලීමක දී අයිස් මිලිග්‍රෑම් 90ක් සමග මොවුන් අත් අඩංගුවට ගත් බවයි.

සැකකරුවන් සන්තකයේ තිබී රුපියල් 17,000 ක් හා ජංගම දූරකථන 06ක් පොලිස් භාරයට ගෙන තිබෙනවා.

අත්අඩංගුවට ගත් සැකකරුවන් මුලතිව්, පුදුකුඩිඉරිප්පු ප්‍රදේශයේ පදිංචි වයස අවුරුදු 18 ත් 25 ත් අතර වයසේ පසුවන පසුවන්නන්.

අත්අඩංගුවට ගත් සැකකරුවන් හා අයිස් මත්ද්‍රව්‍ය මුලතිව් මහේස්ත්‍රාත් අධිකරණයට ඉදිරිපත් කිරීමට නියමිතයි.