වැඩිමල් සහෝදරයාගේ නිවසේ සොරකමේ පැමිණි බල සහෝදරයා විදුලිසැර වැදීමෙන් මියගිය පුවතක් අම්බලන්තොට, මාමඬල, යාය 11 ප්රදේශයෙන් වාර්තා වනවා.
මෙලෙස ජීවිතක්ෂයට පත්ව ඇත්තේ වයස අවුරුදු 35ක පුද්ගලයෙක් බවයි අප වාර්තාකරු සඳහන් කළේ.
මොහු අධික ලෙස මත්ද්රව්යවලට ඇබ්බැහි වී සිටි තැනැත්තෙක් වන අතර, මත්ද්රව්ය සඳහා මුදල් සොයාගැනීමට විවිධ සොරම්වල නිරතව ඇති බවයි ප්රදේශවාසීන් පැවසුවේ.
ජීවිතක්ෂයට පත්වූ මෙම පුද්ගලයා රක්ෂිත බන්ධනාගාර ගතව සිට ඇප මත නිදහස්ව පැමිණි අයෙක් බවයි තොරතුරු වාර්තා වන්නේ.
මොහු ඊයේ (24) රාත්රියේ තම වැඩිමල් සහෝදරයාගේ නිවසට සොරකමේ ගිය අවස්ථාවේ වැඩිමල් සහෝදරයාගේ නිවසේ තිබෙන ත්රීරෝද රථයේ ආරක්ෂාව සඳහා ඇද තිබූ විදුලි රැහැනක පැටලී මෙලෙස මියගොස් තිබෙනවා.
සහෝදරයාට විදුලි සැර වැදීමෙන් පසු වැඩිමල් සහෝදරයා විසින් ඔහුගේ දෑත් දෙපා ගැටගසා ඇති බවට ද තොරතුරැ වාර්තා වනවා.
සිද්ධිය සම්බන්ධයෙන් අම්බලන්තොට පොලිසිය වැඩිදුර පරීක්ෂණ මෙහෙයවනවා.
