නිව්යෝර්ක් නුවර ලෝක වෙළෙඳ මධ්‍යස්ථානයට සහ වොෂින්ටන් නුවර පෙන්ටගනයට එල්ල වූ අල් කයිඩා ත්‍රස්ත ප්‍රහාරයට අදට වසර 23ක් සපිරෙනවා.
2001 සැප්තැම්බර් 11 අමෙරිකානු ඉතිහාසයේ අඳුරුතම දිනය ලෙස සැළකෙනවා.
ජාත්‍යන්තර ත්‍රස්තවාදයේ බිහිසුණු සහ විශාලතම ප්‍රහාරය ලෙස සැලකෙන සැප්තැම්බර් 11 ත්‍රස්ත ප්‍රහාරය අල් කයිඩා ත්‍රස්තවාදීන් විසින් සිදුකළ අතර
අමෙරිකාවට අයත් ගුවන්යානා 4ක් පැහැරගෙන ගොස් එම දැවැන්ත ප්‍රහාරය සිදුකර තිබුණා.
පැහැරගත් ගුවන්යානා 4න් දෙකක් ලෝක වෙළෙඳ මධ්‍යස්ථානයේ ගැටෙන්නට සැළැස් වූ අතර, අමෙරිකානු ආරක්ෂිත කේන්ද්‍රස්ථානය වන පෙන්ටගනයට ද ප්‍රහාර එල්ල කළා.
සිවුවැනි ගුවන් යානයේ සිටි මඟියකු කලබල කිරීම හේතුවෙන් එම ගුවන් යානය පෙන්සිල්වේනියා ප්‍රාන්තයේ දී කඩා වැටුණු බවට වාර්තා වනවා.
අමෙරිකාව විසින් මේ වන විටත් මියගිය පිරිස නිශ්චිතව ප්‍රකාශයට පත් කර නොමැති අතර ගුවන් යානයේ සිටි ත්‍රස්තවාදීන් හැරුණු විට එම ප්‍රහාරවලින් පුද්ගලයන් 2,977ක් පමණ ජීවිතක්ෂයට පත්වී ඇති බව ආරංචි මාර්ග සඳහන් කරනවා.
ත්‍රස්ත ප්‍රහාරයෙන් පසුව වාර්ෂිකව සිදු කෙරෙන අනුස්මරණ උත්සව ගණනාවක් ද අමෙරිකාවේදී අද (11) පැවැත්වීමට නියමිත බවයි වාර්තා වන්නේ.
