එළඹෙන ජූනි මාසයේදී විශ්රාම යාමට නියමිත අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න, මෙම මස අවසානයේ සිට විශ්රාම පූර්ව නිවාඩු ලබාගනු ඇතැයි වාර්තා වනවා.
ඊට අදාළ ලිපි ලේඛන ඔහු විසින් මේ වන විට ජනාධිපති අනුර කුමාර දිසානායක මහතා වෙත යොමු කර ඇති බව ද සඳහන්.
ඒ සමඟම, රජය විසින් ඔහුට එරෙහිව ගෙන ඒමට සූදානම්ව තිබූ දෝෂාභියෝග සැලැස්ම අත්හිටුවා තිබෙනවා.
ඒ අනුව, විනිසුරු කරුණාරත්න මහතා පෙබරවාරි 01 වැනිදා සිට බලපැවැත්වෙන පරිදි අභියාචනාධිකරණ රාජකාරිවලින් ඉවත් වීමට නියමිතයි.
කෙසේවෙතත්, ඔහු සිය තනතුරෙන් ඉල්ලා අස්නොවන අතර ජූනි මාසය දක්වා විශ්රාම පූර්ව නිවාඩු ලබාගෙන ඉන්පසු විශ්රාම ලබා ගනු ඇති බව ආරංචි මාර්ග සඳහන් කරනවා.
වසර 37ක සේවා කාලයක් සපුරා ඇති විනිසුරු බන්ධුල කරුණාරත්න, නියමිත පරිදි විශ්රාම ගැනීමට නියමිතව ඇත්තේ මේ වසරේ ජුනි 16 වැනිදායි.
මේ අතර, පෙබරවාරි පළමු වන දින සිට බලපැවැත්වෙන පරිදි රාජකාරිවලින් ඉවත් වීමට ගත් තීරණය පිළිබඳව විනිසුරු කරුණාරත්න මහතා, අභියාචනාධිකරණ විනිසුරුවරුන්ට දැනටමත් දැනුම් දී ඇති බව ද වාර්තා වනවා.
ඒ අනුව, විනිසුරු කරුණාරත්න මහතා විශ්රාම යන තෙක් වැඩ බලන තනතුරක් සඳහා තවත් ජ්යෙෂ්ඨ විනිසුරුවරයෙකු පත් කිරීම කෙරෙහි රජයේ අවධානය යොමු වී තිබෙනවා.
විනිසුරු කරුණාරත්නගෙන් පසු අභියාචනාධිකරණයෙහි ජ්යෙෂ්ඨතම විනිසුරුවරයා වන්නේ විනිසුරු මොහොමඩ් ලෆාර් වන අතර ජනාධිපතිවරයා ඔහුගේ නම ශ්රේෂ්ඨාධිකරණයට නිර්දේශ කර තිබුණේ නැහැ.
ඔහු ජුනි 18 වන දින වයස අවුරුදු 63 සම්පූර්ණ කිරීමෙන් පසු විශ්රාම යාමට නියමිත ව තිබෙනවා.
මීළඟට සිටින ජ්යෙෂ්ඨතම අභියාචනාධිකරණ විනිසුරුවරුන් වන්නේ උදය කරලියද්දේ, රත්නප්රිය ගුරුසිංහ සහ ධම්මික ගනේපොල යන අයයි.
