ඌව පරණගම – කොඩකුඹුර ප්රදේශයේ දින දෙකකට පෙර සොයාගත් අබිරහස් පිරිමි මළසිරුර එම ස්ථානයෙන් ඉවත් කිරීමට පොලිසියට නොහැකිව තිබෙනවා.
අප ප්රාදේශීය වාර්තාකරු පැවසුවේ ඊයේ (24) පෙරවරුවේ දී එම මළසිරුරු තිබූ ස්ථානයට පොලිසිය ගිය අවස්ථාවේ දී මළසිරුරට යාබදව ගසක බැඳ තිබූ බඹර කූඩුවක් ඇවිස්සී පරීක්ෂණ කටයුතු සඳහා ගිය ඌව පරණගම පොලිස් ස්ථානාධිපතිවරයා ඇතුළු නිලධාරින් පිරිසකට පහර දී ඇති බවයි.
බඹර ප්රහාරයට ලක් වූ පොලිස් නිලධාරින් රෝහල්ගත කර තිබෙනවා.
පසුව පස්වරුවේ බඹරුන් ඉවත් කිරීමෙන් පසුව පොලිසිය පැමිණ අදාළ මියගිය පුද්ගලයාගේ මළසිරුර
පුද්ගලික වැවලි සමාගමකට අයත් තේ වගා ඉඩමෙන් ගෙන යාමටයි කටයුතු කර ඇත්තේ.
මෙලෙස මියගොස් ඇත්තේ 67 හැවිරිදි මීරියකමත – කොඩකුඹුර ප්රදේශයේ පදිංචි දින 07කට පෙර අතුරුදන් වූ පුද්ගලයා බවයි හෙළි ව තිබෙන්නේ.
සිද්ධිය සම්බන්ධයෙන් ,ඌව පරණගම – අඹගස්දෝව පොලිසියේ තවත් නිලධාරීන් කණ්ඩායමක් යොදවා අද (25) දින, බණ්ඩාරවෙල පොලිසියේ ස්ථානීය නිරීක්ෂණ නිලධාරින් (soco) හා වැලිමඩ මහේස්ත්රාත් අධිකරණයේ වැඩ බලන මහේස්ත්රාත් එස්.ඩී සමරකෝන් මහතා ස්ථානීය පරීක්ෂණ සිදු කිරීමෙන් අනතුරුව මෘත ශරීරය වැඩිදුර පරීක්ෂණ සඳහා බදුල්ල ශීක්ෂණ රෝහලට රැගෙන ගොස් තිබෙනවා.
