කළුතර දකුණ, ගල්ලස්සේන, ගුණතිලක වත්ත ප්රදේශයේ අනාරක්ෂිත ළිඳකට වැටුණු පුද්ගලයෙක් ගිනි නිවන භාටයින් විසින් දැඩි පරිශ්රමයක් දරා ගොඩෙන තිබෙනවා.
කෙසේ වෙතත් එම පුද්ගලයා ගොඩගන්නා විටත් මියගොස් සිට ඇති බවයි වාර්තා වන්නේ.
මෙලෙස අවාසනාවන්ත ලෙස මියගොස් ඇත්තේ කළුතර දකුණ, වෙනිවෙල්කැටිය ප්රදේශයේ පදිංචි වයස අවුරුදු 25ක ඉසුරු විදුශාන් නැමැති විවාහක තරුණයෙක්.
අනාරක්ෂිත ළිඳ ආසන්නයේ නිවසක සිටි පුද්ගලයෙකුට කිසියම් ශබ්දයක් ඇසුණු බවට ප්රදේශවාසීන්ට පැවසීමෙන් අනතුරුව ළිං පතුල පරීක්ෂා කිරීමේ දී කිසිදු පුද්ගලයෙක් ළිඳ තුළ දක්නට ලැබී නැහැ.
අනතුරුව මෝටරයක් මඟින් ළිඳේ ජලය ඉස කළුතර මහනගර සභාවේ ගිනිනිවීමේ ඒකකයේ නිලධාරීන් විසින් පරීක්ෂා කිරීමේ දී ළිඳට වැටුණු තරුණයා ළිං පතුලේ සිටිය දී සොයාගෙන තිබෙනවා.
අනතුරුව දැඩි පරිශ්රමයකින් අනතුරුව ළිං පතුලේ සිටි තරුණයාව ගොඩගෙන සුවසැරිය ගිලන් රථයකින් කළුතර ශික්ෂණ රෝහලට ඇතුළත් කර ඇති නමුත් ඒ වනවිටත් ඔහු මියගොස් සිට ඇති බවයි වාර්තා වන්නේ.
මෙම පුද්ගලයා අනාරක්ෂිත ළිඳට වැටුණු ආකාරය සම්බන්ධයෙන් කළුතර දකුණ පොලිසිය වැඩිදුර විමර්ශන සිදුකරනු ලබනවා.
