ඉන්දීය වෛද්‍යවරුන් අධිකරණ නියෝග නොතකමින් තවදුරටත් වර්ජනයේ නිරත වන බවට තොරතුරු වාර්තා වනවා.
ඉන්දීය මාධ්‍ය වාර්තා කළේ; අද (10) පස්වරු 05 වන විට ඉන්දීය සියලු ම වෛද්‍යවරුන්ට (වැඩ වර්ජනයේ නිරත) සේවයට වාර්තා කළ යුතු බව දන්වමින් ශ්‍රේෂ්ඨාධිකරණය ඊයේ (09) දිනයේ දී නියෝගයක් නිකුත් කළ බවයි.
නමුත් ඉන්දීය මාධ්‍ය වාර්තා කරන්නේ; අධිකරණ නියෝග නොතකමින් බටහිර බෙන්ගාල් ප්‍රාන්තයේ වෛද්‍යවරුන් තම ඉල්ලීම් ඉටු වන තුරු අඛණ්ඩ ව වර්ජනය ක්‍රියාත්මක කරන බවට දැනුම්දී ඇති බවයි.
පසුගිය 09 වැනිදා (අගෝස්තු 09) කොල්කටා වෛද්‍ය විද්‍යාලයක අවසන් වසරේ ඉගෙනුම ලබමින් සිටි වෛද්‍යවරියක් රෝහල් පරිශ්‍රය තුළ දී ම සමූහ දූෂණයකට ලක් කර ඝාතනය කිරීමට එරෙහිව වෛද්‍යවරුන් මෙලෙස උද්ඝෝෂණයේ නිරත වනවා.
එම වෛද්‍යවරියගේ ඝාතනය සම්බන්ධයෙන් විධිමත් පරීක්ෂණයක් සහ වෛද්‍යවරුන්ට නිසි ආරක්ෂාවක් ලබා දෙන ලෙසට ඉන්දීය රජයෙන් ඉල්ලමින් පසුගිය මාසයක කාලයක් පුරා මෙම විරෝධතා සහ වැඩවර්ජන පවත්වනවා.
