බූස්ස අධිආරක්ෂිත බන්ධානාගාරය තුළ රහසිගතව සඟවා තිබූ ජංගම දුරකථන තුනක් සොයා ගැනීමට විශේෂ කාර්යය බලකා නිලධාරීන් සමත්ව තිබෙනවා.
කෙසේ වෙතත් මෙම දුරකථනවල හිමිකරුවන් පිළිබඳ මෙතෙක් කිසිදු තොරතුරක් අනාවරණ කර ගැනීමට හැකි වී නැහැ.
ශ්‍රී ලංකාව තුළ ක්‍රියත්මක වන පළමු සහ එකම අධිආරක්ෂිත බන්ධනාගරය වන බූස්ස බන්ධානාගාරයෙහි රඳවා තබා ඇත්තේ දරුණු ගණයේ අපරාධ සම්බන්ධයෙන් වරදකරුවන් වූවන් සහ රක්ෂිත බන්ධනාගාරගත කරන ලද සැකකරුවන්.
කෙසේ වෙතත් ඊයේ (10) බන්ධනාගාරයේ A සහ D පැරණි අංශවල වාට්ටු තුළ කළ වැටලීමකදී එහි පොළව හාරා සූක්ෂමව සඟවා තිබූ ජංගම දුරකථන සහ උපාංග සොයාගැනීමට පොලිස් විශේෂ කාර්ය බලකා නිලධාරීන් සමත් වුණා.
මෙම උපාංග අතර ස්මාර්ට් වර්ගයේ ජංගම දුරකථන 01ක්, කුඩා ප්‍රමාණයේ ජංගම දුරකථන 02ක් , සිම්පත් 04ක්, මෙමරි චිප් 01ක්, දුරකථන චාජර් 02 ක්, ඩේටා කේබල් 02ක් හා හෑන්ඩ් ෆ්‍රී 01ක් ද වනවා.
මේ සම්බන්ධයෙන් බන්ධානාගාර දෙපාර්තමේන්තුව විශේෂ විමර්ශනයක් ආරම්භ කර ඇති අතර, ඒවායේ හිමිකරුවන් පිළිබඳ කිසිදු තොරතුරක් මෙතෙක් අනාවරණ කර ගැනීමට හැකි වී නැහැ.
