2022 වසරේ ලැබුණු පැමිණිලි මත වෙළෙඳපොලේ අලෙවිකිරීමට තිබූ දුඹුරු සීනි සදහා වර්ණක යොදා තිබේද යන්න පරික්ෂා කිරීමට පාරිභෝගික කටයුතු පිළිබද අධිකාරිය මගින් සීදුව ප්රදේශයේ සුපිරි වෙළෙදසැලකින් සාම්පල ලබාගෙන පරීක්ෂණාගාර වෙත යොමු කිරීමට කටයුතුකර තිබෙනවා.
එහිදී, එම සාම්පල ශ්රී ලංකා ප්රමිතියට අනුකුල නොවන බවට ලැබුණු පරීක්ෂණාගාර වාර්තා අනුව තහවුරු වීමත් සමඟ එම දුඹුරු සීනි විකිණීම සඳහා ප්රදර්ශනය කිරීම සහ ඉදිරිපත් කිරීම යන චෝදනා දෙකක් යටතේ 2023 වර්ෂයේ දී මීගමුව මහේස්ත්රාත් අධිකරණයේ නඩු පැවරීමට කටයුතු කළ බව පාරිභෝගික කටයුතු පිළිබද අධිකාරිය පවසනවා.
ඒ, අනුව ඊයේ (19) දින එම වැරදි සඳහා වරද පිළිගත් අදාළ ආයතනයට රුපියල් 400,000ක දඩ මුදලක් අධිකරණය මගින් නියම කරනු ලැබුවා.
මේ අතර කල් ඉකුත් වූ භාණ්ඩ අලෙවි කළ දෙමටගොඩ සහ මට්ටක්කුලිය ප්රදේශවල සුපිරි වෙළෙදසැල් ශාඛා තුනකට ද පසුගිය 18 වනදා රුපියල් ලක්ෂ දෙක බැගින් අලුත්කඩේ මහේස්ත්රාත් අධිකරණය මගින් දඩ නියම කර තිබෙනවා.
පසුගිය මාස දෙකක කාලය තුළ පාරිභෝගික කටයුතු පිළිබද අධිකාරිය මගින් සුපිරි වෙළෙදසැල් 187 කට වැඩි ප්රමාණයක වැටලීම් සිදුකර තිබෙනවා.
