ශ්‍රී ලංකා පරිපාලන සේවා සංගමය අද (10) දිනයේ සිට නැවත දැනුම් දෙනතුරු සියලු රාජකාරීවලින් ඉවත්වීමට තීරණය කර තිබෙනවා.
එම සේවා සංගමය නිවේදනයක් නිකුත් කරමින් පෙන්වා දෙන්නේ ප්‍රචණ්ඩත්වයට අනුබල දැක්වීම පිළිබදව රජය වෙත දැඩි අප්‍රසාදය පළකිරීම සඳහා මෙම වෘත්තීය සමිති ක්‍රියාමාර්ගයේ නිරත වන බවයි.
මේ අතර දුම්රිය ස්ථානාධිපතිවරුන්ගේ සංගමය ද ඊයේ (09) මධ්‍යම රාත්‍රී සිට වෘත්තීය සමිති ක්‍රියාමාර්ගයක් ආරම්භ කළා.
මේ අතර අද (10) දිනයේ සිට සමස්ත සෞඛ්‍ය සේවාවම වෘත්තීය සමිති ක්‍රියාමාර්ගයකට අවතීර්ණ වන බව වෘත්තීය සමිති සම්බන්ධීකරණ මධ්‍යස්ථානය පවසනවා.
කෙසේ වෙතත් සෞඛ්‍ය සේවාවේ අත්‍යවශ්‍ය සේවා පමණක් පවත්වාගෙන යාමට කටයුතු කරන බවයි සෞඛ්‍ය සංගම් සඳහන් කළේ.
එමෙන්ම විදුලි වෘත්තීය සමිති ද අඛණ්ඩ වෘත්තීය සමිති ක්‍රියාමාර්ගයක නිරතව සිටින බව විදුලිබල මණ්ඩල ඒකාබද්ධ වෘත්තීය සමිති සන්ධානයේ කැඳවුම්කරු රන්ජන් ජයලාල් සඳහන් කළා.
මේ අතර ගුරු විදුහල්පති වෘත්තීය සමිති ද වැඩ වර්ජනයක නිරත වී සිටින බව ලංකා ගුරු සංගමය පැවසුවා.
